31-мартта Түркияда жергиликтүү кеңештерди жана шаар мэрлерин шайлоо өтүп, анда жалпы эсепте оппозиция жеңди. Бул президент Режеп Тайып Эрдоган бийликке келгенден бери бийликтин партиясы алдыга озбой калган алгачкы учур экени белгиленип жатат.
УКМК кримтөбөл Камчы Көлбаевге тиешеси барларды аныктап, "тазалоо" процесси уланып жатканын айтууда. Көлбаевдин "өкүл атасы" саналган, издөөдө жүргөн Азим Ройдун жубайына издөө жарыялады. Анын алдында Бишкектеги "Мадина" базарынын ээси Турсунтай Салимов тилкат менен эркиндикке чыкты.
“Ихсан” кооперативи аркылуу батир алууга акча салган жарандар бийликке кайрылып, алардын көйгөйүнө көңүл бурууну суранды. Алар кооперативдин банк эсебиндеги акчанын бир бөлүгү чыгарылып кеткенин, жабыркагандарга бирдей мамиле жасалбай жатканын айтып даттанууда.
Жогорку Кеңеш кабыл алган “Коммерциялык эмес уюмдар жөнүндө” мыйзам долбооруна камтамачылыгын билдирип, бир катар эл аралык жана жергиликтүү уюмдар бийликке кайрылуу жолдошту. Алар президент Жапаровду бул мыйзамга вето коюуга чакырууда.
“Коммерциялык эмес уюмдар жөнүндө” же "Чет элдик өкүл" деп таанылган талаштуу мыйзам долбоору парламентте үчүнчү окууда талкуусуз кабыл алынды.
Кемпир-Абад иши боюнча Бишкектин Биринчи Май райондук сотундагы бүгүнкү отурумга адвокат Акин Токталиев Адвокатуранын катынын негизинде киргизилген жок. Отурумда камалгандар айыптоо актысы адвокаттын жоктугуна карабай окулганына нааразылык билдиришти.
Нарын, Талас жана Жалал-Абад облустарында Кемпир-Абад иши боюнча абакта отургандарды бошотуу талабы менен акция өттү. Анын катышуучулары президент Садыр Жапаровго, УКМК төрагасы Камчыбек Ташиевге кайрылуу жолдоп, абактагыларды бошотуу, аларга басымды токтотуу, ачык сот өткөрүү талабын коюшту.
Бишкек шаарынын административдик соту Жогорку Кеңештин депутаты Шайлообек Атазовдун мандатын ажыратуу боюнча чечим чыгарды. Соттук чечиминде жазылгандай, отурум 1-мартта өткөн.
Административдик-аймактык реформанын жүрүшү менен аймагы кеңейген Бишкек шаарынын жергиликтүү депутаттарынын саны 235ке көбөйдү. Буга борбор калаага кошулган айыл округдарынын депутаттарынын Бишкек шаардык кеңешине кириши себеп болду.
Парламентте экс-президент Сооронбай Жээнбеков менен мурдагы президент Алмазбек Атамбаевдин айдоочусу катары таанымал Икрамжан Илмияновду жоопко тартуу маселеси көтөрүлдү.
Кемпир-Абад иши боюнча сотто адвокаттардын нааразылыгы көп айтыла баштады. Алардын бири Акин Токталиев лицензиясынан күмөн санаганы үчүн ишти караган судьянын үстүнөн Тартип комиссиясына даттанды. Буга чейин сот отуруму айыпталуучулардын айрымдарынын адвокаты жок өтүп, чыр чыккан.
Борбордук шайлоо комиссиясы Жогорку Кеңештин депутаттары Искендер Матраимовду жана Нурлан Ражабалиевди жазган арызынын негизинде депутаттык мандатынан ажыратты. Буга чейин "экс-бажычы Райымбек Матраимовго жакын депутаттар мандатын тапшырышы керек" деген өңүттө материалдар жарыяланган.
Президент Садыр Жапаров Татарстандын борбору Казанда иш сапары менен болду. Ал 21-февралда “Келечек оюндары” спорт мелдешинин ачылышына катышып, орус президенти Владимир Путин менен да жолукту.
Орусияда түрмөдө табышмактуу жагдайда каза болгон оппозиционер саясатчы Алексей Навальныйдын жесири Юлия Навальная күйөөсүнүн ишин улантууга убада берди. Ал үч жылдан бери темир тор артында отурган күйөөсүн "Путин өлтүргөнүн", жакында бул кылмышты жасагандардын аты-жөнүн аташарын билдирди.
Орусияда абакта каза болгон оппозиционер саясатчы Алексей Навальныйдын өлүмү дүйнө коомчулугунун, анын ичинде Борбор Азияда талкууга түштү. Аны эскерүү акциялары Орусиянын жана дүйнөнүн бир катар шаарларында, Бишкекте да өттү.
Жогорку Кеңеш “"Коммерциялык эмес уюмдар жөнүндө" мыйзамга жана Кылмыш-жаза кодексине өзгөртүүлөрдү киргизүү жөнүндө” мыйзам долбоорун кайра парламенттин Конституциялык мыйзамдар, мамлекеттик түзүлүш, сот, укук маселелери боюнча комитетине кайтарды.
"Эркиндик үнү" подкастында кыргыз саясатындагы ырым-жырымдарга кайрылдык.
Дагы жүктөңүз
