Казакстандык ырчы Димаш Кудайберген дагы акыркы окуялар боюнча пикирин жазды.
Бийликтеги “Нур Отан” партиясынын өкүлү, казак парламентинин депутаты Берик Абдыгалиулы Жаңы-Өзөндөн башталып, өлкөнүн ар аймактарында уланып жаткан жалпы нааразылык акцияларын колдоо ниетин билдирип, өкмөттөн “чукул саясий жана экономикалык чечимдерди” талап кылды.
"Газдын баасынын өсүүсү себеп болгону менен, калктын нааразылыгынынын башкы себеби кымбатчылык, азык-түлүктүн баасы. Элдин талабы кымбатчылыкты токтотуу, токтото албаса маянаны көтөрүү керек. Ошондуктан газдын баасын төмөндөтүү менен гана чектелбөө керек. Чукул жана саясий жана экономикалык чечимдер кажет. Ал нааразылыкка жана кымбатчылыкка жол берген өкмөт кызматтан кетиши керек”,- деп жазды “Фейсбуктагы” баракчасына депутат.