Бириккен элдик кыймылдын кезектеги жыйынында өлкөдөгү кырдаал талкууланып, кыймылдын иштери талданды. БЭКтин штаб башчысы Азимбек Бекназаров жыйында өлкөдөгү саясий-экономикалык кырдаал, камап-сабоолор, саясий куугунтуктар тууралуу кеңири баяндама жасады.
Айрылыш жол
Азимбек Бекназаровдун айтымында, бир топтон бери өлкөнү Курманбек Бакиев башкарбай эле анын кичүү уулу Максим Бакиев менен иниси Жаныш Бакиев башкарып калган. Бирөөсү бүтүндөй каржы тармагын колго алса, экинчиси күч органдарын былкылдатпай башкарып келатат. Анын пикиринде, “Түндүкэлектр”, “Кыргызтелеком” сыяктуу өлкөнүн стратегиялык тармактары да бийликте турган бир үй-бүлөнүн жана аларды жандап жүргөндөрдүн кызыкчылыгы үчүн сатылууда. Оппозицияны да биротоло талкалоо планы иштеп атканына токтолгон А. Бекназаров, 20-февралда боло турчу кеңири жыйында бардык маселелерди кабыргасынан коюп, “үй-бүлөлүк бийлик менен күрөшүүдө же бар бололу же жок бололу” деген сунуш киргизди.
А.Бекназаровдун айтымында, бириккен оппозиция дагы өз ара ынтымактуу боло албай, бийликке сөз ташыгандар менен жеке кызыкчылыгын көздөгөндөрдү арасына киргизип алган. Бул маселеге Социал-демократтардын лидери Алмазбек Атамбаев да токтолуп, былтыркы президенттик шайлоодо оппозициянын ичинен саткындар чыкканын баса белгиледи.
А. Бекназаров ошондой эле бийлик 23-мартта Ынтымак курултайын чакырып атканын, ага жооп кылып бириккен оппозиция 24-мартта чыныгы элдик курултай өткөрүүсү керектигин сунуштады:
- Бир нерсени айтып коёюн. Булар 23-мартта курултай өткөргөн атышат. Биз 24-мартта чыныгы элдик курултай өткөрсөк болот. Ошондуктан ушул айдын жыйырмасында же боло турган, же болбой тургандай кылып бир чечимге келип, анан аракет кылышыбыз керек.
"Оюнчук оппозиция" чыгабы?
БЭКтин мүчөлөрү кыйладан бери оппозицияны бөлүп-жаруу аракети жүрүп келатканын да ачык сүйлөшүп алышты.
Алмазбек Атамбаевдин айтымында, бийликтин саясий технологдору БЭКти саясий аренадан сүрүп чыгуу максатында жасалма оппозиция түзүү менен алек болушууда. Ынтымак курултайы аркылуу дал ошол жасалма оппозиция өзүн көрсөтмөкчү:
- Акыркы айларда тилекке каршы оппозицияны такыр эле бөлүп-жаруу аракети болуп атат. Керек болсо жанагы Масаулов сыяктуу ак үйдүн жигиттери чыгып айтып атышат, “конструктивдүү оппозиция бар, алар курултайга барат, алар БЭК менен чогуу жүрбөйт” деп. Анткени бул бийликке каршы ачык чыккан жалгыз гана БЭК болуп атат.
Кыргызстан патриоттук кыймылынын төрагасы Назарбек Нышановдун пикиринде, азыркы бийликке оппозициябыз деп жүргөн БЭКтин мүчөлөрү деле бийликке келсе абал өзгөрбөйт. Андыктан, мурдагы бийликтин да, азыркы бийликтин да камчысын чаппаган таза адамдар керек:
- Булардын азыркы бийликти сындап аткандары жакшы. Бирок булар бийликке келсе, азыркы бийликтен айырмасы болбойт. Тымтыракай болушат. Анткени бирөөлөрү мурда Акаевди жактап жүргөн болсо, башкалары Бакиевди жактап жүргөндөр. Мындайлардын бийликке келишин биз каалабайбыз. Ошондуктан биз таза, чыныгы патриот, Акаевдик да Бакиевдик да системага малынбаган уул-кыздарыбызды бийликке алып келишибиз керек. Системаны өзгөртүш керек. Бизге таза система керек. Ал эми таза системаны биз таза адамдар менен гана кура алабыз.
20-февралда кеңири курамда жыйналмакчы болгон БЭК ошентип эки жолдун айрылышында турганын айтышууда. “Бар бололу же бололу” дегендер 2005-жылдан бери ыңкылап күнү катары белгиленип келаткан 24-мартта Ынтымак курултайына атаандаш элдик курултай өткөрүп калуусу да ыктымал. Ал арада Ынтымак курултайын уюштуруу менен алек болгон бийлик өкүлдөрү, курултайга оппозициялык маанайдагылар да кирерин айтышууда. Талдоочулар мындай шартта пайда болгон оппозиция, оңой башкарылган оюнчук оппозиция болорун айтышат.
Айрылыш жол
Азимбек Бекназаровдун айтымында, бир топтон бери өлкөнү Курманбек Бакиев башкарбай эле анын кичүү уулу Максим Бакиев менен иниси Жаныш Бакиев башкарып калган. Бирөөсү бүтүндөй каржы тармагын колго алса, экинчиси күч органдарын былкылдатпай башкарып келатат. Анын пикиринде, “Түндүкэлектр”, “Кыргызтелеком” сыяктуу өлкөнүн стратегиялык тармактары да бийликте турган бир үй-бүлөнүн жана аларды жандап жүргөндөрдүн кызыкчылыгы үчүн сатылууда. Оппозицияны да биротоло талкалоо планы иштеп атканына токтолгон А. Бекназаров, 20-февралда боло турчу кеңири жыйында бардык маселелерди кабыргасынан коюп, “үй-бүлөлүк бийлик менен күрөшүүдө же бар бололу же жок бололу” деген сунуш киргизди.
Биз боло турган, же болбой тургандай бир чечимге келип, анан аракет кылышыбыз керек.
А. Бекназаров
А.Бекназаровдун айтымында, бириккен оппозиция дагы өз ара ынтымактуу боло албай, бийликке сөз ташыгандар менен жеке кызыкчылыгын көздөгөндөрдү арасына киргизип алган. Бул маселеге Социал-демократтардын лидери Алмазбек Атамбаев да токтолуп, былтыркы президенттик шайлоодо оппозициянын ичинен саткындар чыкканын баса белгиледи.
А. Бекназаров ошондой эле бийлик 23-мартта Ынтымак курултайын чакырып атканын, ага жооп кылып бириккен оппозиция 24-мартта чыныгы элдик курултай өткөрүүсү керектигин сунуштады:
- Бир нерсени айтып коёюн. Булар 23-мартта курултай өткөргөн атышат. Биз 24-мартта чыныгы элдик курултай өткөрсөк болот. Ошондуктан ушул айдын жыйырмасында же боло турган, же болбой тургандай кылып бир чечимге келип, анан аракет кылышыбыз керек.
"Оюнчук оппозиция" чыгабы?
БЭКтин мүчөлөрү кыйладан бери оппозицияны бөлүп-жаруу аракети жүрүп келатканын да ачык сүйлөшүп алышты.
Алмазбек Атамбаевдин айтымында, бийликтин саясий технологдору БЭКти саясий аренадан сүрүп чыгуу максатында жасалма оппозиция түзүү менен алек болушууда. Ынтымак курултайы аркылуу дал ошол жасалма оппозиция өзүн көрсөтмөкчү:
Н. Нышанов
Кыргызстан патриоттук кыймылынын төрагасы Назарбек Нышановдун пикиринде, азыркы бийликке оппозициябыз деп жүргөн БЭКтин мүчөлөрү деле бийликке келсе абал өзгөрбөйт. Андыктан, мурдагы бийликтин да, азыркы бийликтин да камчысын чаппаган таза адамдар керек:
- Булардын азыркы бийликти сындап аткандары жакшы. Бирок булар бийликке келсе, азыркы бийликтен айырмасы болбойт. Тымтыракай болушат. Анткени бирөөлөрү мурда Акаевди жактап жүргөн болсо, башкалары Бакиевди жактап жүргөндөр. Мындайлардын бийликке келишин биз каалабайбыз. Ошондуктан биз таза, чыныгы патриот, Акаевдик да Бакиевдик да системага малынбаган уул-кыздарыбызды бийликке алып келишибиз керек. Системаны өзгөртүш керек. Бизге таза система керек. Ал эми таза системаны биз таза адамдар менен гана кура алабыз.
20-февралда кеңири курамда жыйналмакчы болгон БЭК ошентип эки жолдун айрылышында турганын айтышууда. “Бар бололу же бололу” дегендер 2005-жылдан бери ыңкылап күнү катары белгиленип келаткан 24-мартта Ынтымак курултайына атаандаш элдик курултай өткөрүп калуусу да ыктымал. Ал арада Ынтымак курултайын уюштуруу менен алек болгон бийлик өкүлдөрү, курултайга оппозициялык маанайдагылар да кирерин айтышууда. Талдоочулар мындай шартта пайда болгон оппозиция, оңой башкарылган оюнчук оппозиция болорун айтышат.
