“Роснефть” менен “Лукойл” АКШнын "кара тизмесине" кирди

АКШнын президенти Дональд Трамп орус мамлекет башчысы Владимир Путин менен жолукпай турганын билдирди. Ушул эле күнү Кошмо Штаттардын Финансы министрлиги орустардын “Роснефть” жана “Лукойл” ири мунай компанияларын санкциялык тизмеге киргизгени маалымдалды. Вашингтон Москва Украинадагы согушту токтотууга умтулган жок деп эсептейт. Лидерлер жакын арада Будапештте кездешерин ал 16-октябрдагы телефон сүйлөшүүсүнөн кийин жарыялаган.