"600дөн арбын киши текшерилди". Наристеге ВИЧ кантип жуккан?

Кыргызстанда ооруканада дарыланган балага ВИЧ-инфекциясы жуккан болушу мүмкүн. Бул тууралуу парламентте депутат Элдар Абакиров билдирип, ага баланын ата-энеси кайрылганын айтты. Саламаттыкты сактоо министрлиги бул окуя боюнча атайын комиссия түзүп, жарым жылдан ашык иликтөө жүргүзүп, 600дөн арбын киши текшерилгенин маалымдады.