Улуттук коопсуздук мамлекеттик комитетинин төрагасынын мурдагы орун басары Тимур Шабданбеков жана бир катар кызматкерлер кармалганы кабарланды. Маалыматтарга караганда, аларды Аскер прокуратурасы кармаган.
Кыргызстанда кургакчылык, сугат суунун тартыштыгы дыйкандардын негизги көйгөйүнө айланды. Изилдөөлөргө ылайык, климаттык оош-кыйыштын кесепети ириде айыл чарбасына тиет. Адистер мындан улам келечекте азык-түлүк жана суу коопсуздугуна байланыштуу курч маселер жаралышы ыктымалдыгын эскертишет.
Быйыл Апрель окуясына 16 жыл болду. Элдик толкундоо учурунда 80ден ашуун адам окко учуп, миңдейи жараат алган. Апрелчилер андан бери да 100дөн ашуун катышуучу жашоо менен кош айтышканын айтып келишет. Кыргызстандын тарыхында кара так катары калган 7-апрелден бери жашоо кантип өзгөрдү?
Ирандагы согуш кыргыз экономикасына да таасир этүүдө. Тегеран Ормуз кысыгын бөгөттөгөндөн улам дүйнөдө мунай кымбаттап, анын айынан Кыргызстанда да күйүүчү майдын баасы көтөрүлдү. Ирандын порттору аркылуу транзиттик жүктү, анын ичинде БАЭ жана Сауд Арабиясынан автоунаа ташуу да үзгүлтүккө учурады.
Кыргызстанда 1992-2023-жылдар аралыгында абанын орточо температурасы 1,3 градуска көтөрүлдү жана жакынкы жылдары дагы жогорулашы мүмкүн. Мындай климаттык оош-кыйыштын айынан өлкөдө жер көчкү, сел өңдүү табыгый кырсыктар дагы көбөйүшү ыктымал. "Азаттыктын" даректүү тасмасы.
Улуттук банктын мурдагы төрагасы Мелис Тургунбаев кармалганы кабарланды. Ички иштер министрлиги бул тууралуу расмий маалымат бере элек. Буга удаа эле Жогорку Кеңештин экс-депутаты Шаирбек Ташиев Ички иштер министрлигинде дагы бир жолу сурак берип чыкканы белгилүү болду.
Былтыр жыл соңунда Жалал-Абад облусунун Ала-Бука районунда 15 жаштагы Жибек Сулайманова фостердик үй-бүлөдө каза тапкан. Милициянын маалыматында, секелек кыз малканадагы жипке асынып алган.
Бейөкмөт уюмдар жогорку окуу жайларда жана коллеждерде харассментти изилдеген. Сурамжылоого катышкан студенттердин 50% ар түрдүү ыдыкка кабылганын билдирген. “Азаттык” университетте, мектепте мугалимдерден ыдык көргөн кыздардын окуяларын чагылдырып, харассмент канчалык кенен токтолот.
Европа Биримдигинин санкциялар боюнча атайын чабарманы Дэвид О'Салливан Бишкекке келип, Кыргызстандын бийлик өкүлдөрү менен жолукту. 26-февралда ал "Азаттыкка" учкай маек куруп, ыктымал санкция жана ага байланыштуу сүйлөшүүлөр жөнүндө айтып берди.
Жеңил акча, бат эле байып кетүү жана “ийгиликке жеткендердин” окуялары — социалдык тармактарда кеңири жайылып жаткан кабелтең убадалардын артында көз жаш, миллиондогон карыз жана кыйраган тагдыр турат. Лудоманиядан чыгуунун жолу татаал жана адистердин жардамы, узак реабилитация талап кылынат.
Милициянын маалыматына караганда, Кыргызстанда 2025-жылдын 11 айында (январь айынан ноябрь чейин) 19 миң 995 үй-бүлөлүк зомбулук фактысы катталган. Үн катпай, эшикке чыкпай отургандар канча - белгисиз. Кыз-келинге кол суна турган кризистик борборлор өздөрү кризиске кабылды.
АКШда унаа сүзүп каза болгон эки жигиттин жакындары кыргыз бийлигине кайрылып, жардам сурап жатат. 2024-жылы теги индиялык кыз жол жээгинде турган машинени сүзүп, анын кесепетинен 20 жана 21 жаштагы эки кыргыз жараны ошол жерде мүрт кеткен.
Мурдагы депутат Аккулу Бердиев үй-бүлөлүк зомбулукка жана алдамчылыкка айыпталып кармалды. Анын аялы көп жылдардан бери зомбулукка кабылып келгенин, күйөөсү көп аял алганын айтып, бийликке кайрылган эле.
Түндүк-түштүк альтернативдик жолун салуу иштери жүрүп жатканда ток тартып эки буту, эки колунан ажырап калган 27 жаштагы Алмаз Курманкулов кыргыз бийлигине кайрылууда.
Жогорку Кеңешке шайлоодо 45 гана добуш алган 72 жаштагы талапкер Бусурман Сатыбалдиевди социалдык тармак колдонуучулары талкууга алып, алтургай шакаба чеккендер да болууда. Таштанды көйгөйүн чечкиси келген бул талапкер жарышка катышуу үчүн пенсиясын чогултуп, күрөө каражатын төккөн.
Бишкектеги Бангладеш жарандары кыргыз бийлигинен жардам сурашты. "Азаттыкка" кайрылган 20дан ашык Бангладештин жарандары соңку учурда убада кылынган айлыгын ала албай, ачка цехтин ичинде жашап жатышканын айтышууда.
17 жаштагы окуучу кыздын өлүмүнө байланыштуу талкуулар токтой элек. Бул үрөй учурган окуя кыргыз коомунда резонанс жаратып, укук коргоо, сот тармагына курч сындар айтылууда. "Азаттыктын" кабарчылары каргашалуу окуя болгон жерге барып келди.
Өткөн айда орусиялык альпинист Наталья Ногавицинанын Жеңиш чокусунда бутун сындырып алып, 7200 метр бийиктикте калып кеткен окуясы кыргыз тоолорундагы альпинизм, андагы тагдырлар тууралуу кызыгууну күчөттү.
Чүй облусунун Ак-Бешим айылында эки баласын өлтүрүүгө шектелип кармалган эне тергөө абагына киргизилди. 34 жаштагы аялдын беш баласы бар эле. Бул үрөй учурган окуянын себептери учурда талкууга түшүп, көпчүлүк ар кыл суроолорго жооп издеп жатат.
Ош шаарынын мэри Жеңишбек Токторбаев мурдагы мэр Мелис Мырзакматовдун калаада 43 гектар жер тилкеси бар экенин айтып чыкты. Токторбаев бул жер тилкесин мэриянын карамагына алуу боюнча учурда соттошуулар жүрүп жатканын билдирүүдө.
Дагы жүктөңүз
