Эр-Риядда АКШ - Орусия сүйлөшүүсү аяктады, Зеленский Түркияга барды

АКШ жана Орусиянын делегациялары Эр-Риядда жолугушту. Сүйлөшүүдө эки тараптын чыңалган мамилелерин жакшыртуу жана Украинадагы согушту токтотуу жолдору талкууланары кабарланган. Киев жана Еврошаркет бул кездешүүгө чакырылган эмес. Украин президенти Владимир Зеленский Киевдин өкүлдөрү катышпаган тынчтык сүйлөшүүсүн тааныбасын билдирди. Вашингтондун дипломатиялык аракеттерине карабай орус аскерлери украин аймагын аткылоону улантып, дүйшөмбүнүн кечинде Киевге сокку урду.