"Москвада жашоо кымбаттап кетти. Балдардын келечегин ойлодук". Мекенине кайткан мигранттар

Соңку жылдары Орусияда иштеген кыргызстандык мигранттар түрдүү себептер менен мекенине массалык түрдө кайтып келүүдө. Эл аралык миграция уюмунун эсептөөсүндө 2020-2023-жылдар аралыгында өлкөгө 137 миңден ашуун мигрант кайтып келсе, анын 89% Орусиядан келгендер түзөгөн. Мунун негизги себеби катары Украинадагы согушу, улам катаалдашып жаткан эрежелер, тынымсыз рейддер, согушка тартуу аракеттери айтылып келет. “Данисте” бул жолу Орусиядан кайткан мигранттардын жашоосу, өз мекенинде эмне менен алектенип жатканы тууралуу айтып берет.