"Сосновка" жана "Кара-Көл" пунктарында унаалардын кышка даярдыгы текшерилип, талапка жооп бербегендер артка кайтарылат. Бул тууралуу Транспорт жана коммуникация министрлиги эскертүүдө. Аталган мекеме өлкөдөгү туруксуз аба ырайына жана күз-кыш мезгилине карата жүргүзүлүп жаткан даярдык иштерине байланыштуу тоолуу аймактарга жол тарткан айдоочуларга унаа дөңгөлөктөрүн жайкыдан кышкыга алмаштырып алууга чакырат.
Транспорт министрлиги Өтмөк ашуусуна 6-7 см кар жаагынын белгилеп, айдоочуларды 500 метр аралыкты сактоого чакырды.
Кыргызгидромет борбору 12-октябрда Кыргызстандын аймагында аба ырайы кескин өзгөрө турганын, тоо этектеринде жана тоолуу райондорунда жаан, бийик тоолуу райондорунда кар жаай турганын билдирген. (КЕ)
