Путин бийлигин узартты. Дүйнөдө тиреш күчөйбү?

Батыш ички репрессиялардын, Украинадагы согуштун фонундагы шайлоодо Путиндин жеңишин сындаса, Москва менен шериктеш өлкөлөр орус лидерин куттукташты. Айрым эксперттер мындай көрүнүш согуш башталгандан бери ого бетер күчөгөн тирештин, дүйнөнүн эки лагерге бөлүнүшүнүн дагы бир белгиси деп баалайт. Путин 5-президенттик мөөнөткө кайтып келгенден кийин геосаясий кырдаал канчалык өзгөрүшү мүмкүн? Москва Борбор Азияга, башка постоветтик өлкөлөргө таасирин күчөтөт деп күтсө болобу?