Суусамыр айылында Кыргызстандагы аялдардын ичинен биринчи болуп космоско учууну самаган 10 жаштагы Айдатка Кадыржанова жашайт. Эки жыл мурда анын социалдык тармакка илген каты ээсине жетип, кыргызстандык космонавт Салижан Шариповго жолуккан. Кышы суук, шарты катаал айылда жашаган Айдатка Интернеттен космос жана космонавттар тууралуу маалыматтарды көп окуп, Москвадагы космос музейине баруу үчүн акча чогултуп жатат.