Депутаттар ЖЭБдеги камералардын баасына кызыкты

Бишкек жылуулук электр борборундагы аварияны иликтеген депутаттык комиссия кезектеги отурумун өткөрдү. Анда ЖЭБди модернизациялоонун алкагында 10 миң доллардан кымбат видеокамера коюлганы жана жаңылоого жумшалган каражаттын чоо-жайы талкууланды. Жыйынга депутаттар, Бишкек ЖЭБдин, ЖЭБ баш ийген “Электр станциялары” ишканасынын мурдагы жана азыркы жетекчилери катышты.