“Көк бөрү” кыргыздын ат үстүндө ойнолуучу спорт оюндарынын бири. Күйөрмандардын бүйүрүн кызыткан, кыл чайнашкан кызык оюндардардын артында далай эмгек жасалат. Дегеле ат таптап улакчы команда кармоого чоң акча каражаты керектелет. Адатта, мындай командалар күтүрөгөн байлардыкы болоору белгилүү. Бирок, тапкан-ташыганын ушул тармакка жумшап, "жылаңач баатырлык" кылган күйөрмандар да жок эмес. "Азаттыктын" “Азыркы кыргызстандык” түрмөгүндө чакан бизнеси бар жеке ишкер Мыктыбек Туташев болмокчу.