Пауэрлифтинг же оор салмактагы темир чоюндарды көтөрүү боюнча дүйнөлүк 4 рекорд жараткан балбан Азамат Алымбек уулу 9-июнь күнү Финляндияда жаштар арасында дүйнө чемпиону аталды. Азаматты атасы Алымбек машыктырат, аны менен кошо бир тууган иниси Акжол да өткөн жылы өз салмагында дүйнө чемпиону болгон. Баткен шаарынын четиндеги жер тамдын бир бөлмөсүн машыгуучу жайга айлантып алган бул үйдө пауэрлифтинг боюнча үч эл аралык спорттун чебери жашайт.