Өзбекстанды 27 жыл бойы басқарған тұңғыш президент Ислам Каримовтің 80 жылдығы балаларының қатысуынсыз өткізілді. Оның репрессиялық саясатын жүзеге асырған Ұлттық қауіпсіздік қызметінің басшысы да Каримовтің 80 жылдығында қызметтен кетті.
Парламент Мәжілісі "Діни қызмет және діни бірлестіктер туралы" заңға енгізуге ұсынылған өзгерістерді талқылауға кірісті. Құжатты әзірлеген үкімет заң жобасы "дінді экстремистік мақсатта пайдалану мүмкіндігін азайтады" деп санайды. Тәуелсіз сарапшылар жобадан әркім қалауынша түсінетін әрі заңнан аттамайтын азаматтарға қарсы пайдаланылуы ықтимал "мағынасы бұлыңғыр әрі қалай қолданылатынын болжап білуге болмайтын" тіркестер тапқан.
Алматы облысының Қарасай аудандық сотында «діни араздық қоздыру», «терроризмді насихаттау» бабымен айыпталған Ералтай Абайдың соты жүріп жатыр. Оның әлеуметтік желіде жариялап, кейін ескертуден соң жойған постынан сараптама «терроризмді насихаттау белгісін» тапқан.
Қазақстанда биылғы жаңа оқу жылында кей аймақтарда оқушы қыздардың мектепке орамал тағып келуі даулы мәселеге айналды. Білім және ғылым министрлігінің бірыңғай мектеп формасы туралы бұйрығына сүйенген мектеп әкімшілігі мен діндар ата-аналар арасындағы даулы істі қараған сот білім мекемесінің талабын заңды деп тапты. «Орамал дауы» кесірінен елдің бірқатар аймағында ондаған оқушы екі тоқсан бойы сабақтан қалуға мәжбүр болды.
Астана қаласының Есіл аудандық соты Ақтөбе және Батыс Қазақстан облыстарында тұратын 60-тан аса ата-ананың талап арызын қарап жатыр. Сотқа жүгінуге мектепте орамал тағуға қатысты туған дау себеп болған.
Қарағанды соты "Киелі Русь жаратушыларының одағы" оккульттік ұйымының ықтимал мүшелері деп аталған екі ер адамның үстінен қозғалған "алауыздық қоздыру" туралы істі қарап жатыр. Сотталушылар – бірі прокуратураның бұрынғы қызметкері – айыптаудың мәнісін түсіндіруді талап етеді. Айыпталушылардың жақтастары қылмыстық іс "ойдан шығарылған" деп санайды.
Оңтүстік Қазақстан облысында исламның «салафи ағымын ұстанатын» бір топ адам өздерін арнайы есепке қойып, саусақ іздерін алған полицияны «азаматтық құқығымызды бұзды» деп айыптайды. Прокуратура олардың шағымын полицияға жолдаған. Облыстық ішкі істер департаменті «алдын алу шаралары» жүргізілгенін айтады.
Сот көшеде христиан баптистердің кітаптарын таратқаны үшін салынған айыппұлды төлемегені үшін Ақмола облысындағы Запорожье ауылы тұрғыны Юрий Беккердің еркіндігін бір жылға шектеуге үкім кесті. Қазақстан заңдарына сәйкес, діни әдебиетті билік бөлген арнайы орындарда ғана таратуға болады. Беккер жазығым жоқ деп санайды әрі "ар-ұжданыма сай әрекет еттім» дейді.
Түрмеде отырған Берік Әбдірахмановтың үстінен биыл мамыр айында үшінші іс қозғалды. Шамамен алты айдан кейін ол «тартқан азаптарыма айыпты жандар» деп бірнеше адамды көрсетіп, «ақтық хатын» жазған. Қазан айының аяғында Әбдірахмановты тағы да карцерге қамаған. Туыстары оған қысым жасалып жатыр дейді. Билік оны терістеп, тұтқын Әбдірахмановты «нашар» жағынан сипаттайды.
Өскеменде қорғаныс істері жөніндегі басқарма қызметкерлері тәртіптік жауапқа тартылды. Олар «әскерге шақырту алған, бірақ діни сеніміне байланысты әскерге барудан бас тартқан» әрі «Иегова куәгерлері христиандар қауымы» діни қызметкерлерінің анықтамасын көрсеткен» жігіттердің істерін полицияға жолдаған. Қылмыс құрамы жоқ болғандықтан, күзде әлгі істердің бәрі жабылған.
Алматыда араб тіліндегі діни әндер тыңдап, оларды әлеуметтік желіде «қайта жариялаған», «діни араздық қоздырды», «терроризмді насихаттады» деп айыпталған Шухрат Кибировке қатысты сот процесі басталды. Адвокат оның сотқа дейінгі тергеуінен соң 20 күн бойы санкциясыз абақтыда отырғанын айтады.
Шымкентте «қылмыстық топ құрған деструктивті діни ағым мүшелері» деген күдікпен ұсталған үш адамға «терроризмді насихаттау» және «діни араздықты қоздыру» баптары бойынша іс қозғалып, олар екі айға қамалды. Полиция «тергеу құпиялылығын» алға тартып, күдіктілер ісіне қатысты ақпарат бермеді. Туыстары билік оларға «жала жауып отыр» деп санайды.
Тағы
