Қазақстан билігі "Дін қызметі және діни бірлестіктер туралы" заңға шектейтін және тыйым салатын өзгерістер енгізуді ұсынады. Орталық Азиядағы діни ахуал мен радикалдану мәселелерін зерттеп жүрген Батыс сарапшысы бұл өзгерістерден тұшымды нәтиже шығарына сенбейді.
Дін істері және азаматтық қоғам министрі Нұрлан Ермекбаев Азаттыққа "Қазақстанда ешқандай діни бірлестік кемсітуге душар болып жатқан жоқ" деді. Ол "секта" деген анықтаманы "түсінбестік" деп атады.
Жаңа оқу жылы басталғалы Жаңаөзендегі орамал тағатын 60 шақты оқушы қыз бала сабаққа бара алмай жүр. Қалалық білім беру бөлімінің мәліметінше, олардың дені бастауыш сыныпта оқиды. Бөлім басшысы балаларының орамалын шешуден бас тартқан ата аналарды сотқа бермекші. Ата-аналар «конституциялық құқығымыз бұзылды» дейді.
Діни араздықты қоздыру бабы бойынша құқық қорғаушы Александр Харламовқа қарсы қозғалған екінші қылмыстық істі тергеу тоқтатылды. Бірақ дәл осы бап бойынша бес жыл бұрын ашылған бірінші іс әлі жабылған жоқ.
«Вконтактеден» араб тілінде нашид (діни ән) «тыңдаған» Алматы тұрғынына «әлеуметтік желі арқылы терроризмді насихаттады», «діни араздық қоздырды» деген айып тағылып отыр. Бес айға созылған тергеуден соң іс өткен жұмада Алмалы аудандық сотына берілді. Оның адвокаты «ән үшін кінәлауды бірінші рет кездестіріп отырғанын» айтады.
Өскемендегі "Новая Жизнь" Евангелие христиандары шіркеуінің" пасторы Виталий Затолокинді "дін туралы заң талабын бұзды" деген айыппен әкімшілік жауапқа тартып жатыр. Діни бірлестіктің қызметі уақытша тоқтатылуы мүмкін.
АҚШ-тың Мемлекеттік департаменті Халықаралық діни бостандық жөніндегі 2016 жылға арналған жыл сайынғы есебін жариялады. Әлемдегі 200-ден астам мемлекет пен аймақтардағы дін бостандығының ахуалын сипаттайтын бұл есеп үкіметтердің, террорлық топтардың және жекелеген адамдардың діни бостандық заңдарын бұзу немесе оны асыра пайдалану фактілерін саралап шыққан.
Тамыздың 14-інде Жамбыл облысындағы Мерке аудандық сотында православ священнигі Владимир Воронцовтың соты басталды. Ол шіркеуден алыс таулы жерде құлшылық қылып, "Діни қызмет туралы" заңды бұзды деп айыпталады.
Батыс Қазақстан облысы Орал қалалық сотында 42 жастағы Абдухалил Абдужаббаровтың ісі қаралып жатыр. Елдің арнайы қызметі ислам уағызшысын Қазақстандағы экстремизмнің бас идеологы санайды.
Неге дін саласын мемлекет реттеуі керек? Тікелей эфирде өтетін AzattyqLIVE хабарында бұл сұраққа Қазақстанның дін істері және азаматтық қоғам министрлігінің дін істері жөніндегі комитеті төрағасы міндетін атқарушы Еркін Оңғарбаев жауап береді.
Маңғыстау облысындағы ерлері терроризмге қатысты баптармен сотталып кеткен әйелдер өздерінің полиция тарапынан қысымға ұшырап отырғандарын айтады. «Еркін жүріп-тұрудан қалдық» деген олар балаларының да мектепте «қара тізімде» жүргеніне қынжылады. Ал полиция инспекторлары министр бұйрығын орындап жатқандарын айтса, мектеп психологы мәлімет үшін ғана жеңіл сауалдар қоямыз дейді.
Соңғы айларда Қазақстанда діни араздық өршітті деген айыппен «сүнниттік исламдағы салафи бағытты ұстанушы» үш адам сотталды. Олардың ешбірі өздеріне тағылған айыпты мойындаған жоқ, қорғаушылары олардың құқықтары бұзылды дейді.
Тағы
