Қазақстандық құқық қорғаушы Анастасия Миллер Азаттыққа берген сұхбатында Нью-Йоркке ресейлік стендап-комик Нұрлан Сабыровтың концертіне бойкот жариялауға не үшін барғанын, әзілдің зорлық пен қатыгездікті насихаттауға қандай қатысы барын айтып берді.
Ұлыбританиядағы Консервативтік партияның қауіпсіздік мәселелері жөніндегі бұрынғы кеңесшісі, Article 7 консалтинг тобының бас директоры Гарван Уолш Батыстың әскери техникасы Украинаға қалай көмектесе алатынын, соғыстың ендігі кезеңі неліктен логистикаға байланысты екенін айтты.
Ресей әскері Украинаның Бердянск қаласын соғыстың басында-ақ бақылауға алған. Қаланы телефон байланысынан ажыратып, көшеге күзет қойған. Коммендант сағаты тәртібін енгізіп, Ресей телеарналарын қосқан. Азаттықтың Украин қызметінің тілшісі қаланың қазіргі тіршілігін көріп қайтты.
Сарапшылар Қырғызстан мен Орталық Азияның басқа да елдерінен Ресейге барып, сол елдің азаматтығын алған адамдарды билік Украинадағы соғысқа жіберіп жатқанын айтады. Кейбірі бұған ақша үшін барса, кейбіріне Ресей билігі азаматтықтан айыратынын айтып сес көрсеткен.
7-8 сәуірде Моңғолияда мыңдаған жас билікке қарсы, қымбатшылыққа, ұлттық валюта төгрөгтің құнсыздануына, жемқорлыққа қарсы бейбіт шеруге шықты. Азаттық наразылыққа қатысқан моңғолиялық қазақтармен сөйлесіп, наразылықтың жай-жапсарын білді.
"Настоящее время" мен "Медуза" басылымдары Ресей президенті Владимир Путиннің үлкен қызы Марияның күйеуі деп айтылып жүрген Нидерланд азаматының құпия өмірін зерттеп көрді.
Ресейдегі мемлекеттік және тәуелсіз әлеуметтанушылар жүргізген сауалнамалар қорытындысы Ресейдің Украинаға басқыншылығынан кейін президент Владимир Путин мен оның үкіметін қолдаушылар көбейгенін аңғартты. Бірақ бұл қолдау зерттеу көрсеткендей болмауы мүмкін.
Украинадағы Буча қаласында жұмысшылар көшеде жайрап жатқан мәйіттерді жинап жүр. Ал тергеушілер бұл әскери қылмысты Ресей әскері жасағанына дәлел іздеп жатыр. Азаттық қаланы оккупациялаған Ресей әскери бөлімдерін анықтап көрді.
Ресей мектептері мен балабақшаларында "Украинадағы арнаулы операцияны" қолдауға үгіт жүріп жатқаны байқалады. Олар оқушыларды майданға хат жазып, басқа да насихат шараларына қатысуға мәжбүрлеген. Ата-аналар мен мұғалімдердің көбі мұны қалыпты жағдай көрсе, кейбірі қарсы шығып жатыр.
Австрияда тұратын Ләззат Әбдуәлиқызының үйінде Украинадан босқан үш отбасы тұрып жатыр. Оның бәрі – әйелдер мен балалар. Ерлері соғыс аумағында қалған. Ләззат Азаттыққа босқындарды қалай тапқанын, тілі бөтен кісілермен қалай түсінісіп жатқанын баяндап берді.
Тағы
