АҚШ-та 5 қараша күні президент сайлауы өтеді. Үміткерлердің сыртқы саясаттағы ұстанымы әлемдегі көп елдің саясатына, сауда және экономикалық қатынасына әсер етері анық. Олардың климат өзгеруіне, Украинадағы соғыс пен Ресейге салынған санкцияларға қатысты ұсыныстарының Орталық Азия елдеріне, оның ішінде Қазақстанға ықпалы қандай болуы мүмкін?
Өткен аптада қос қырғыз журналисі ұзақ мерзімге түрмеге жабылды. Олар өзгелердің батылы жетпеген тақырыпты қозғап, Садыр Жапаров режимінің непотизмін әшкерелеген еді. Бірақ президент пен оның серіктері де журналистерге тоқтау салу үшін ешнәрседен тайынбайтынын көрсетті.
Ресей Украинаға басып кіргелі дипломатиялық изоляцияға ұшыраған "Росатом" компаниясы Мәскеудің әлемдік аренадағы беделін сақтап қалуға жанталасының маңызды бөлігіне айналды. Ресейдің ядролық энергия саласын қолдау жүгі әдеттегідей Кремльмен тығыз байланысты Орталық Азия елдерінің иығына түседі.
Израиль Газа секторында АҚШ пен Еуроодақ "террористік ұйым" деп таныған ХАМАС тобына қарсы соғыс бастағалы бір жыл өтті. Биыл қыркүйектен бері Израиль мен "Хезболла" тобы арасында әскери іс-қимыл үдеді. АҚШ бұл топты да террористік ұйымдар тізіміне қосқан.
Орталық Азия елдері адам құқығын өрескел бұзып отыр деген Талибанды ресми түрде мойындамаса да, оны террористік ұйымдар тізімінен шығарып, осы ұйым басқаратын үкіметпен әріптестігін нығайтып отыр.
Германия канцлері Олаф Шольц Өзбекстаннан кейін ресми сапармен Қазақстанға келеді. Астанада ол жоғары деңгейдегі кездесулер өткізіп, Орталық Азия басшыларымен "бес плюс бір" форматында өтетін саммитке қатыспақ. Бұл кездесулерден не күтуге болады? Аймаққа қандай пайдасы бар?
Астанада бесінші Дүниежүзілік көшпенділер ойыны өтіп жатыр. 89 елдің спортшылары қатысатын көшпенділер мәдениетін тойлау шарасы алғаш Қырғызстаннан басталған. Бұл табиғи байлығы жоқ шағын мемлекет ғаламдық жоба ойлап таба алатынын көрсетеді.
Сардоба – суды жинап, сақтауға арналған ертедегі гидротехника құрылысы. Орта ғасырларда Орталық Азияның қуаңшылық жайлаған аудандарында кең тараған. Қайнар сардобасы – бізге дейін жеткен аздаған құрылыстың бірі. Ол Өзбекстан аумағында, Сырдарияның бір саласы Ахангаран өзеніне жақын маңда орналасқан.
Өзбек шенеуніктері елде сақалға қарсы науқан жүргізіп, ер адамдарды қырынуға мәжбүрлеп жатыр. Тіпті Париж Олимпиадасына қатысқан өзбек спортшыларынан да президентпен видео-конференцияда сөйлесер алдын сақалын алуды талап еткен. Елдегі танымал әншіні сақалы үшін телеарнаға шығармай қойған.
Тағы
