САЯСАТ

Қонаев соты журналист Думан Мұхаммедкәрімге үкім шығарды

2 тамызда Қонаев соты "экстремизмді қаржыландырды" және "тыйым салынған ұйымның жұмысына араласты" деп айыпталған журналист Думан Мұхаммедкәрімді кінәлі деп танып, жеті жылға бостандығынан айырды. Азаттыққа бұл туралы журналистің адвокаты Ғалым Нұрпейісов хабарлады.

Қапастағы 288 күн. Алсу Құрмашева үйіне оралды

Азаттықтың Татар-Башқұрт редакциясының тілшісі Алсу Құрмашева жақында бостандыққа шықты. Ол Батыс елдері, Ресей мен Беларусь арасындағы тұтқын алмасу шарасы аясында босатылды. Алсу 288 күнін қамауда өткізді. 19 шілдеде Татарстанның Жоғарғы соты журналисті «әскер туралы жалған ақпарат таратты» деген айыппен түрмеге жапқан. Idel.Реалии сайты Алсудың хикаясы мен журналистің тергеу абақтысынан жазған хаттарын баяндайды.

Байден сайлаудан бас тартты. Ол ұсынған Камала Харрис Трампты жеңе ала ма?

АҚШ-тың вице-президенті Камала Харрис президенттікке ұсынылған алғашқы қара нәсілді әйел болуы мүмкін. Президент Джо Байден президент сайлауына қатысудан бас тартты. Ол өз орнына Харристі ұсынып отыр.

АҚШ вице-президенті Камала Харристің саяси жолы

Камала Харрис АҚШ вице-президенті лауазымына сайланған алғашқы қара нәсілді әйел ретінде тарихқа енді. Ол бұрын заңгер, штат бас прокуроры және сенатор болған. Джо Байден биыл күзде өтетін президент сайлауына түсуден бас тартқаннан кейін өз орнына Харристі лайық көретінін айтқан.

Жемқорлықты әжуа қылған алматылық комикті қамады. Әріптестеріне бұл қалай әсер етті?

Мамырдың аяғында Алматы соты стендапер Нұрасхан Басқожаевты "көпшілік алдында балағат сөз айтқаны" үшін 15 күнге қамады. Әріптестері комик саясат пен жемқорлықты жиі әжуалағанына бола жазаланды деп біледі. Азаттық Central Stand Up Almaty сахнасында не болғанын анықтауға тырысып көрді.

Қазақстан журналистерінің жұмбақ қазасы: жаңа тарихтағы қаралы парақтар

"Ешнәрседен қорықпады". Киевте Айдос Садықовтың жаназасы өтті

Нөкіс оқиғасынан кейінгі екі жылда не өзгерді?

Қарақалпақстанның егемендігі мен Өзбекстан құрамынан шығу құқығы туралы баптарды Конституциядан алып тастауға бейбіт қарсылықты билік күшпен басып, аяғы үлкен қантөгіске ұласқан Нөкіс оқиғасына биыл екі жыл толды.

Мәскеу биржасы санкцияға ілінді. Теңге мен Қазақстан биржасына қалай әсер етеді?

Қазақстандық қор биржасы иелерінің бірі – Мәскеу биржасы Ресейдің әскери агрессиясы салдарынан АҚШ санкциясына ілікті. Бұл Қазақстандағы қор және валюта нарығы мен теңге бағамына қалай әсер етеді?

"Amanat" бір рет кетірген мәслихатқа қайта сайланған депутат пен билік партиясының дауы

Түркістан өңірінде аудандық мәслихат депутаты "Amanat" партиясынан сотта жеңіліп қалды. Ол өзін бір рет депутат мандатынан айыруға негіз болған партияның шешімі заңсыз екенін дәлелдегісі келеді. Партия оған ұйым атынан депутаттыққа сайланып, міндетін дұрыс атқармаған деп кінә таққан. Депутат партияға мүше болуға ешқашан өтініш бермегенін айтады.

Қазақстан Еуропаға Ресейді айналып өтіп жеткізетін мұнай көлемін ұлғайта ала ма?

Қазақстан мұнайының көбін Еуропа елдеріне тасымалдайды. Басым бөлігін Ресей аумағынан өтетін Каспий құбыр консорциумы арқылы жөнелтеді. Мәскеу қазақ мұнайы өтетін құбырды қайта-қайта жауып тастай берген соң Астана шикізат тасымалдайтын балама жол іздеді.