Жыл басынан бері Қазақстанда ондаған митинг пен бір адамдық пикет өтіп, әдеттегідей билік наразылардың кейбірін қамап, басқаларына айыппұл салып жатты.
Жыл басынан бері Қазақстан мен Ресейде түрлі талаппен өтетін наразылық жиіледі. Ондаған жыл бойы бір ғана президент басқарып келген екі ел билігінің митингілерді таратуында ұқсастық көп. Қазақстан мен ресейлік сарапшылар мұны "өзгеше ойлайтын жұртты өзіне жау көретін" режимдерге тән құбылыс санайды.
Шілденің 6-сы күні елде астана күні аталып өтіп жатқанда елдің бірқатар ірі қалаларында полиция "рұқсат етілмеген митингіге" шыққан жүздеген азаматты ұстады.
25 жыл бойы Финляндияда тұрып жатқан этникалық қазақ Әйкен Салонен биылғы мамыр айында қуғын-сүргін құрбандарын еске алу үшін Алматыға арнайы келіп, наразылық жиынының ортасына бір-ақ түскен. Ол Азаттыққа көзіне оғаш көрінген жайттар туралы әңгімелеп берді.
Маусымның 30-ы күні таңертең Алматыдағы "Сарыарқа" кинотеатрының артында бірнеше жүз адам қатысқан митинг өтті.
Азаттық тілшісі Қазақстанда маусымның 9-ында өткен президент сайлауы кезінде дауыс беру процесіне, рұқсат етілмеген митингіге және жаппай қамауға куә болды.
Қазақстан президентін сайлауы күні полиция Нұр-Сұлтан, Алматы және Шымкентте жүзден астам адамды ұстады. Осы күні бірнеше сағат интернет жұмысы баяулады.
АҚШ-та оқып, Жапонияда кәсіп қылған соң Қазақстанға оралған қостанайлық ағайынды екі жігіт мамырдың 9-ы күні "заң қызметкерлеріне бағынбады" деген айыппен бес тәулікке қамалған. Олар Азаттыққа қалайша "деструктивті сыртқы күшке" айналып кете жаздағандарын баяндап берді.
Мамырдың 1-і күнгі наразылық шарасы кезінде ұсталғандардың бірнешеуі жазаға тартылды. Ұсталғандардың үстінен қозғалған әкімшілік іс әлі жалғасып жатыр. Азаттық тілшілері қазірге дейін 10 адамның жазаланғанын анықтады.
Алматылық Роман Захаров әл-Фараби даңғылындағы көпірге баннер ілген соң бес күнге қамалды. Баннерде Конституцияның 3-бабы 1-тармағындағы "Мемлекеттік биліктің бірден-бір бастауы – халық" деген сөз жазылған.
Бірнеше айдан бері бес баланың анасы Әлия Садырбаева әкімдіктің бір адамадық кісілік пикет ұйымдастыру өтінішіне салған тыйымына қарсылық білдіріп жүр. Биліктегілер бұл пикет «қоғамдық тәртіпке қауіп төндіреді» деп ұйғарыпты.
Астана соты әлі өтпеген митинг үшін екі белсендіні "бейбіт жиын, шеру өткізу және ұйымдастыру" туралы заң талабын бұзды деп танып, әкімшілік қамауға алды. Тағы үш белсендіні полицияға шақыртқан.
