Бейбіт митингілер

Ұстау, қамау, айыппұл. Қытай консулдығы алдындағы наразылыққа үш жыл

Бір топ адам Шыңжаңда көп жылға қамалған туыстарын босатуды талап етіп, Қытайдың Алматыдағы консулдығы маңына шығып жүргелі үш жыл болды. Бүгінге дейін Қытай консулдығынан бірде-бір адам шығып, олардың талабына қатысты жауап берген жоқ. Алайда туыстарына араша сұраушылар күресін тоқтатпады. Азаттық осы адамдармен сөйлесіп, үш жылда не өзгерді деген сауалға жауап іздеп көрді.

"Азаматтық қоғамға қарсы соғыс". Қамаудан шыққан белсенділердің заман мен өзі жайлы пікірі

"Oyan, Qazaqstan" азаматтық қозғалысының екі белсендісі 2024 жылды абақтыда қарсы алды. Тағы төртеуі "рұқсат етілмеген акцияларға қатысты" деген айыппен қаңтардың басында әкімшілік қамауға алынды. Белсенділер бостандыққа шыққаннан кейін Азаттық олармен сөйлесіп, қозғалыс құрылғалы бері өткен бес жылда ұйым құрамында және елде не өзгергенін сұрады.

Астаналық екі белсенді Украинаны қолдап митинг өткізуге биліктен рұқсат ала алмай жүр

Украинаны қолдап бейбіт жиын өткізбек болған азаматтық белсенділер Әйгерім Шадеева мен Равкат Мұхтаровқа Нұр-Сұлтан қаласы әкімдігі осымен сегізінші рет келісім бермеді. Белсенділер Азаттыққа Украинаны қолдау неліктен маңызды екенін, митинг өткізу құқы үшін күресін қалай жалғастыратынын айтып берді.

"Пикетті қауіп санайды". Билік белсенділердің бейбіт акциясынан неге шошиды?

Қазақстан билігі "Бейбіт жиындар туралы" заңды "демократиялық" деп атайды. Бірақ елде тіпті жалғыз адам пикетін өткізуге биліктің келісімін алу қиын. Неге?

"Саяси астармен қудалайды, еркіндікті шектейді, азаптайды". Қазақстандағы адам құқығының ахуалы

Қазақстанда "биліктің атынан жасалған кісі өлтіру" әрекеті тыйылмай отыр; елде саяси тұтқындар бар; түрмедегі азаптауға кінәлілер жазаланбай қалады; сөз еркіндігі, бейбіт жиын өткізу бостандығы шектеледі. АҚШ үкіметінің әлемдегі адам құқығы жайлы 2021 жылға арналған баяндамасында тағы не айтылған?

"Мықты еркек теңдіктен қорықпайды". Астанада феминистер митингі өтті

Сенбі, 12 наурыз күні Нұр-Сұлтанда әйелдер құқығын қорғауға шақыратын митинг өтті. Ұйымдастырушылардың айтуынша, бұл – ел астанасында биліктің мақұлдауымен өткен алғашқы феминистік жиын. Оған жүздеген адам қатысты.

"Тіпті Симоньянды да ұруға болмайды!" Алматыда әйел құқығын қорғауға арналған митингі өтті

"Орыс шал, кет!" Алматылықтар Украинаны қалай қолдады?

Алматыда Украинаны қолдау арналған жиынға Владимир Ленин мен Максим Горький де "қатысты"

Шашылған оқ, қоршалған әкімдік. Түнгі қақтығыстан кейінгі Республика алаңы

5 қаңтарға қараған түні Қазақстандағы ең ірі қала Алматыда орталық алаңға жиналып, үкіметке наразылық білдірген мыңдаған наразы азаматқа қарсы полиция жасағы шулы жарық граната қолданып, көзден жас ағызатын газ шашты. Түн ішінде президент Тоқаев өз жарлығымен Алматы қаласы мен Маңғыстау облысында 19

"Наразылардың сынын естігісі келмейді". Билік белсенділерді неге қамады?

Қазақстанда 20 шақты белсенді биылғы тәуелсіздік мерекесін әкімшілік қамауда отырып қарсы алады. Билік оларды "митинг заңын бұзғаны" үшін жазалады. Құқық қорғаушылар мұны өзіне сын айтқанды жақтырмайтын үкіметтің наразылық акциясына жол бермеуді көздеп жасаған тірлігі дейді.

"Құрғақ уәде емес, нақты іс керек". Еуропарламентте Қазақстанды тағы да сынады

Еуропарламент шағын комитеті өткізген тыңдауда еуропалық саясаткерлер мен құқық қорғаушылар Қазақстан үкіметінің адам құқығының жай-күйін жақсарту уәдесі сөз күйінде қалып қойғанын сынады. Ресми Нұр-Сұлтанға айтылған сынға Қазақстан омбудсменінің жауап беруіне тура келді.