Жаңаөзен соты

Болат Атабаев ар-ождан тұтқыны деп танылды

Open Dialog Жаңаөзен сотының есебін жариялады

Бұрынғы әкім Сарбөпеевтің соты қайта басталды

Жаңаөзен сотының үкімі шықты

Ең қатаң жаза - 7 жыл айыпталушы Роза Төлетаеваға кесілді. Маусымның 4-і судья айыпталған 37 азаматқа қатысты үкімді оқуға кіріскенмен, соңғы үкімді - айыпталушы Мұрат Қосбармақовқа белгілеген жазасын оқи алмай залдан шығып кетті. Залда отырған сотталушылардың туыстары оған түрлі заттар лақтырған.

Белсенділер Жаңаөзен сотын тоқтатуға шақырды

«Жемқорлыққа қарсы халықтық комитеті» қоғамдық қорының президенті Мұсағали Дуамбеков пен «Қазақстанда парламентаризмді дамыту қорының» басшысы Зәуреш Батталова Жаңаөзен оқиғасына қатысты Ақтауда өтіп жатқан сотқа байланысты ұсыныстарын айтты.

Пол Мерфи БҰҰ-ны Жаңаөзен мәселесіне араласуға шақырды

Еуропа парламентінің депутаты Пол Мерфи БҰҰ-ға "Жаңаөзенде тәртіпсіздік ұйымдастырды" деп айыпталған адамдар мен куәлік берген азаматтардың азапталғанын Қазақстан үкіметіне жеткізуге көмектесуін сұрап хат жазды.

Бұрынғы изолятор бастығы бес жылға сотталды

Мамырдың 17-сі күні Жаңаөзендегі уақытша қамау изоляторының (УҚИ) бұрынғы басшысы Жеңісбек Теміровке қатысты сот үкімі оқылды. Сот Теміровті «қылмыстық кодекстің 308-бабы бойынша кінәлары толық дәлелденді» деп тауып, бес жылға бас бостандығынан айыру туралы үкім шығарды.

«Үшінші күштің» кім екені анықталмай қалды

Бүгін Жаңаөзен оқиғасы бойынша өтіп жатқан соттың жарыссөз кезеңі аяқталып, екі тарап бір-біріне сұрақ қоюға кіріскен. Судья Аралбай Нағашыбаев Жаңаөзен оқиғасына қатысты сот үкімі шамамен он күннің ішінде шығатынын мәлімдеді.

Адвокаттар «айып дәлелденбегенін» айтты

Дүйсенбі күні Жаңаөзен оқиғасына байланысты жарыссөз әрі қарай жалғасты. Түске дейін айыпталушылар сөйлеп бітіп, кезек адвокаттарға жеткен.

Куәгер ҰҚК полковнигі қысым жасағанын айтты

Жаңаөзен мен Шетпедегі оқиғалар бойынша сот аяқталып келеді. Ертеңнен бастап, екі сотта қатар жарыссөз басталады. Соңғы соттардың бірінде куәгер ұлттық қауіпсіздік комитеті (ҰҚК) полковнигінің өзіне қысым көрсеткенін айтты.

Ұрып-соғу бойынша іс қозғауға «негіз жоқ» болды

Мамырдың 3-і өткен сот отырысында бүркеншік атпен жауап берген куәгердің анасы полициядан қысым көргенін айтты. Ал прокурор «жәбірлендік» деген айыпталушыларға байланысты «қылмыстық іс қозғауға негіз табылмағанын» хабарлады.