Қызылорда облысы Арал аудандық кеңес беру диагностикалық емханасындағы бас дәрігердің орынбасары Нағашыбай Қалқұлов Арал ауданы экологиясы нашар аудан болып саналғандықтан, қант диабетінен бөлек жүрек және ісік ауруларының да көбеюі адамдардың мезгілсіз өмірден өтуіне себепкер болып отырғанын баяндап берді.
Нағашыбай Қалқұлов дәрігердің тіркеуінде тұрған адамдарға тегін берілетін дәрі-дәрмектің уақытында жеткізіліп тұратынын, әйткенмен жыл аяғында дәрі жетіспей қалып жататын жағдайлар кездесетінін айтты. Жергілікті маман мұның себебін жыл аяғында жаңадан тіркеуге алынған адамдар санының көбеюімен түсіндірді.
Дәрігер өткен жылмен салыстырғанда қант диабетіне шалдыққандар саны биылғы жылмен салыстырғанда 7 пайызға өскенін айтты. Қазір Арал ауданында қант диабетіне шалдыққан 328 адам тіркеуде тұр.
