Шешенстан басшысы Рамзан Қадыров Өзбекстан президенті Шавкат Мирзияевтің туған күні оған екі сәйгүлік сыйлады. Бұл туралы Қадыровтың Telegram-арнасы хабарлады.
«Оның жылқыны қатты сыйлайтынын білем, сол себепті менің сыйлығым оған ұнайды деп ойлаймын» деп жазды Қадыров.
Шешенстан басшысы Өзбекстан президентінің екіжақты қатынастың дамуына қосқан үлесін атап өтті.
24 шілдеде Өзбекстан президенті Шавкат Мирзияев 67 жасқа толды.
Биыл мамырда Рамзан Қадыров Өзбекстанға сапарлап қайтқан. Сол кезде ол әкесі Ахмат Қадыровқа қатысы бар орындарды аралады. Шешенстанның алғашқы басшысы Ахмат Қадыров 1982 жылы Бұхарадағы Мир-Араб медресесін, 1986 жылы Ташкент ислам институтын бітірген.
ПІКІРЛЕР