Автотұрақтардан түскен табыс кімге кетіп жатыр?

2018 жылы Астана әкімдігі "Астана тұрақ кеңістігі" компаниясымен 20 жылға шарт жасасып, қаладағы автотұрақтарды уақытша өтеусіз пайдалануға берген. Қазір компания 7 мыңнан астам автотұрақ орнын жалға беріп, одан түскен табыстың 75 пайызын алып отыр. Бір қызығы, жер учаскелерін жеке компанияға уақытша пайдалануға беру сотта алдымен заңсыз деп танылып, кейін ол шешім жойылған. Бұл қалай? Шартты жасағандар кім? Анықтап көрдік.