ԱՄՆ պետքարտուղար Մարկո Ռուբիոն Ուկրաինայի արտգործնախարար Անդրեյ Սիբիգայի հետ երեկվա զրույցում ասել է, որ նախագահ Թրամփը վճռական է՝ հնարավորինս շուտ վերջ տալու ուկրաինական պատերազմը, փոխանցում Է Պետդեպարտամենտը:
Մարկո Ռուբիոն ընդգծել է, որ բոլոր կողմերը պետք է քայլեր ձեռնարկեն կայուն խաղաղություն ապահովելու համար, ասված է հեռախոսազրույցից հետո Պետդեպարտամենտի հայտարարության մեջ:
Ուկրաինայի ԱԳ նախարարն ավելի վաղ զրույցի մասին ասել էր, որ քննարկել են Սաուդյան Արաբիայում Ուկրաինայի և ԱՄՆ պատվիրակությունների առաջիկա հանդիպումը։
«Ուկրաինան ցանկանում է, որ պատերազմը ավարտվի, և ԱՄՆ առաջնորդությունը կարևոր է տևական խաղաղության հասնելու համար։ Քննարկեցինք նաև մեր երկկողմ համագործակցությունն առաջ մղելու ուղիները», - գրել է Անդրեյ Սիբիգան։
Ավելի վաղ Ռուբիոն հեռախոսազրույց էր ունեցել Ֆրանսիայի արտաքին գործերի նախարար Ժան-Նոել Բարրոյի հետ պատերազմը քննարկելու համար, հայտնում է Պետդեպարտամենտը:
