Սպիտակ տան անվտանգության հարցերով խորհրդական Մայք Ուոլցը այսօր Սպիտակ տանը հայտարարել է, որ հաջորդ շաբաթ պետքարտուղար Մարկո Ռուբիոյի հետ Սաուդյան Արաբիայում կհանդիպեն ուկրաինական պատվիրակության հետ:
«Ռուբիոն, ես և ուկրաինական պատվիրակությունը հաջորդ շաբաթ հանդիպելու ենք Սաուդյան Արաբիայում՝ այս բանակցությունները կրկին ընթացքի մեջ դնելու, զինադադար հաստատելու և խաղաղություն ապահովելու համար», - ասել է Մայք Ուոլցը։
Ավելի վաղ Ուկրաինայի արտաքին գործերի նախարար Անդրեյ Սիբիգանը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ:
Ուկրաինայի նախագահ Վլադիմիր Զելենսկին, ինչպես նաև Fox News-ը և Axios-ը հայտնել էին, որ ԱՄՆ-ի և Ուկրաինայի ներկայացուցիչները հաջորդ շաբաթ կհանդիպեն Սաուդյան Արաբիայում:
