Ռուսաստանը պատրաստ է Ուկրաինայի հարցով բանակցություններին, որոնց ընթացքում պետք է ապահովվեն ռուսական օրինական շահերը, հայտարարել է ՌԴ ԱԳ նախարար Սերգեյ Լավրովը:
«Ոչ թե ուրիշների շահերի հաշվին, այլ անվտանգության համապարփակ համակարգի մասին պայմանավորվածության համատեքստում, որի շրջանակներում ոչ ոք չի խոցվի», - ասել է նա։
Միացյալ Նահանգների նախագահը, ըստ The New York Post-ի, նախօրեին հայտարարել է, որ հեռախոսազրույց է ունեցել Ռուսաստանի նախագահի հետ և քննարկել Ուկրաինայի դեմ Ռուսաստանի պատերազմն ավարտելու հարցը:
Թրամփն ասել է, որ ինքը պատերազմն ավարտելու կոնկրետ ծրագիր ունի: Ըստ աղբյուրի՝ նա դիմել է ազգային անվտանգության հարցերով իր խորհրդական Մայք Ուոլցին, որը հարցազրույցի ժամանակ նրա կողքին է եղել, և առաջարկել է սկսել հանդիպումները Ուկրաինայի հարցով։
