«Կողմնորոշումը դեպի Եվրամիություն Հայաստանի ինքնիշխան իրավունքն է։ Հարկավոր է, սակայն, պարզել, թե որքանով է այդ ցանկությունը երկուստեք», - Հայաստանի խորհրդարանի՝ ԵՄ-ին երկրի անդամակցության գործընթացի մեկնարկի մասին այսօրվա որոշումը մեկնաբանելով, հայտարարել է Կրեմլի խոսնակ Դմիտրի Պեսկովը։
«Ըստ ամենայնի՝ Հայաստանում որոշակի քաղաքական ուժեր կան, որոնք համարում են, որ կողմնորոշումը դեպի ԵՄ, առանց հստակ ըմբռնման՝ արդյոք ԵՄ-ը շահագրգիռ է դրանում, Հայաստանի և նրա ժողովրդի շահերի համար հավելյալ օգուտներ կապահովի», - նշել է Պեսկովը։
«Թե՛ իրենք հայերը, թե՛ մյուսները պետք է պարզեն՝ [ԵՄ-ին մերձենալու] ցանկությունը որքանով է փոխադարձ և ինչպես են դրան վերաբերվում եվրոպացիները», - նշել է Կրեմլի խոսնակը։
Հայաստանի Ազգային ժողովն այսօր առաջին ընթերցմամբ ընդունեց ԵՄ-ին ՀՀ անդամակցության գործընթացի մեկնարկի մասին օրինագիծը:
