Գյումրի և Փարաքար համայնքներում ավարտվել են ընտրությունները: Կենտրոնական ընտրական հանձնաժողովի տեղեկացմամբ՝ Գյումրիի ավագանու արտահերթ ընտրություններին, նախնական տվյալներով, մասնակցել է 47 հազար 452 ընտրող կամ ընտրական իրավունք ունեցող քաղաքացիների 42.66 տոկոսը:
Փարաքարի ավագանու ընտրություններին մասնակցել է 11 հազար 526 ընտրական իրավունք ունեցող անձ կամ ընտրողների 54.97 տոկոսը:
Երկու համայնքներում միասին քվեարկությանը մասնակցել է 58 հազար 978 ընտրող, ինչը կազմում է ընտրական իրավունք ունեցող քաղաքացիների 44.61 տոկոսը:
Փարաքարում ընտրական իրավունք ունի 20 հազար 967 անձ, Գյումրիում՝ 111 հազար 236:
Գյումրիի ընտրություններին մասնակցում է 9 քաղաքական ուժ: Դրանք են՝ «Քաղաքացիական պայմանագիր»-ը, Հայաստանի կոմունիստական կուսակցությունը, «Ապրելու երկիր»-ը, «Մայր Հայաստան» կուսակցությունների դաշինքը, Հայաստանի աշխատավորական սոցիալիստական կուսակցությունը, «Եվրադաշինք»-ը, «Դեմոկրատական այլընտրանք»-ը, «Մեր քաղաքը» կուսակցությունների դաշինքը և «Իմ հզոր համայնք»-ը:
Փարաքարի ՏԻՄ ընտրություններին մասնակցում է 4 քաղաքական ուժ: Նրանք են՝ «Քաղաքացիական պայմանագիր»-ը, «Միասնություն» դաշինքը, «Ազգային առաջընթաց»-ը և «Կայունություն»-ը:
