Սպիտակ տան ազգային անվտանգության հարցերով խորհրդական Մայքլ Ուոլցը հայտարարել է, որ ԱՄՆ նախագահ Դոնալդ Թրամփը «ակնհայտորեն շատ հիասթափված է» Վլադիմիր Զելենսկուց: Ամերիկացի պաշտոնյան կոչ է արել Ուկրաինայի նախագահին հնարավորինս շուտ հասնել համաձայնության:
Շուրջ 10 օր առաջ Միացյալ Նահանգների նախագահ Դոնալդ Թրամփը պնդեց՝ Կիևը սկզբունքորեն դեմ չէ իր բնական հարստությունների մի մասը հանձնել ամերիկացիներին 2022 թվականից ի վեր առաքված սպառազինության դիմաց։
Ուկրաինայի ղեկավարն ավելի վաղ մերժել է առաջարկը, որը, ըստ տեղեկությունների, նախատեսում էր 500 միլիարդ դոլար արժողությամբ հանքային հարստության փոխանցում Միացյալ Նահանգներին:
«Նա պետք է վերադառնա բանակցությունների սեղանի շուրջ», - ասել է Ուոլցը փետրվարի 20-ին Սպիտակ տանը կայացած մամուլի ասուլիսի ժամանակ:
Զելենսկին նշել է, որ պատերազմի ժամանակ ամերիկյան օգնության արժեքը դեռ շատ ավելի քիչ է, և որ ԱՄՆ-ի առաջարկը անվտանգության կոնկրետ երաշխիքներ չի պարունակում:
