Մարտի 10-ի գիշերը ռուս զինվորականները անօդաչու սարքերով հարվածել են Ուկրաինայի տարածքին, հայտնում է Կիևը։
Ուկրաինայի զինված ուժերի տվյալներով՝ 39-ից 35-ը խոցվել են Կիրովոգրադի, Նիկոլաևի, Դնեպրոպետրովսկի, Չերկասիի, Օդեսայի, Խերսոնի և այլ շրջաններում։ Հաղորդվում է նաև, որ ռուսական բանակը հարվածներ է հասցրել Խարկովի և Դոնեցկի շրջաններին Ս-300 զենիթային հրթիռներով։
Մարտի 10-ի գիշերը, ըստ ռուսական կողմի, հարձակման է ենթարկվել նաև Ռուսաստանի Կուրսկի մարզը. անօդաչու թռչող սարքն ընկել է նավթի պահեստի տարածքում և բռնկվել։
Ռուսաստանի պաշտպանության նախարարությունը հայտարարել է երկու անօդաչու թռչող սարքի կործանման մասին Բելգորոդի շրջանի վրա։
Մարտի 10-ի առավոտյան հրթիռային սպառնալիք է հայտարարվել Կուրսկի և Բելգորոդի շրջաններում։
