Ճապոնիայի վարչապետ Ֆումիո Կիշիդան Ավստրալիա կատարած այցի ընթացքում այսօր ասել է, որ Ուկրաինայում ռուսների կողմից միջուկային զենքի հնարավոր կիրառումը կլինի մարդկության դեմ թշնամական գործողություն:
«Միջուկային զենք կիրառելու հնարավորության մասին ակնարկները համաշխարհային անվտանգության և խաղաղության լուրջ սպառնալիք են և բացարձակ անընդունելի են»,- ասել է Կիշիդան:
Հաջորդ տարվա մայիսին Հիրոշիմայում նախատեսված է «Մեծ յոթնյակի» գագաթնաժողովը:
Ճապոնական այդ քաղաքը դարձել է միջուկային հարվածի առաջին զոհը: 1945 թվականի օգոստոսի 6-ին ամերիկացիներն ուրանային ռումբ են նետել քաղաքի վրա, ինչի հետևանքով զոհվել է առնվազն 140 հազար մարդ:
Երեք օր անց՝ 1945 թվականի օգոստոսի 9-ին, ամերիկացիները պլուտոնիումի ռումբով ոչնչացել են Նագասակին, որտեղ զոհվել է մոտ 80 հազար մարդ: Դրանից հետո միջուկային զենք աշխարհում երբևէ չի կիրառվել:
«Այդ զենքի կիրառումը մարդկության դեմ թշնամական գործողություն է: 77 տարի այն չի գործադրվել, միջազգային համայնքը պետք է այնպես անի, որ միջուկային զենք այլևս երբեք չօգտագործվի»,- ասել է Ճապոնիայի կառավարության ղեկավարը:
Ռուսաստանի նախագահ Վլադիմիր Պուտինը մի քանի առիթներով ակնարկել է որոշակի հանգամանքներում մարտավարական միջուկային սպառազեն օգտագործելու հնարավորության մասին, ինչը լուրջ անհանգստություն է առաջացրել աշխարհում:
