Հայաստանում անցած մեկ օրում կորոնավիրուսի դեպքերի թիվն աճել է 293-ով՝ հասնելով 347 հազար 377-ի, գրանցվել է հիվանդությունից մահվան ևս 3 դեպք, հաղորդում է Առողջապահության նախարարության Հիվանդությունների վերահսկման և կանխարգելման ազգային կենտրոնը:
Այսօր ժամը 11-ի սահմաններում կենտրոնի պաշտոնական կայքէջում հրապարակված տվյալների համաձայն՝ հիվանդությունից բուժվածների թիվն ավելացել է 106-ով և հասել 333 հազար 518-ի:
Ըստ նույն աղբյուրի, իրականացվել է 5 հազար 635 թեստավորում, ընդհանուր թիվը հասավ 2 միլիոն 636 հազար 398-ի:
Կորոնավիրուսային հիվանդությունից մահացածների ընդհանուր թիվը հասավ 8 հազար 18-ի, ևս 1515 վարակակիր, ըստ Առողջապահության նախարարության, մահացել է այլ պատճառներով:
Այսպիսով, COVID-19-ից տվյալ պահին Հայաստանում բուժվում է 4 հազար 326 մարդ։
Արցախում հաստատվել է կորոնավիրուսի 6 նոր դեպք
Արցախում հունվարի 14-ին կատարվել է 65 թեստավորում, որի արդյունքում կորոնավիրուսային հիվանդության 6 նոր դեպք է գրանցվել:
Արցախի առողջապահության նախարարությունը հայտնում է, որ կորոնավիրուսային հիվանդությամբ այս պահին ստացիոնար բուժում է ստանում 45 վարակակիր: Բժիշկները 10 հիվանդի վիճակը գնահատում են ծայրահեղ ծանր, 22-ինը՝ ծանր: Թեթև ձևերը բուժում են ստանում ամբուլատոր պայմաններում։
Այս տարի Արցախում իրականացվել է 821 թեստավորում, որից 61-ը ունեցել են դրական պատասխան։
