Ղազախստանում այսօր տեղի է ունեցել ՀԱՊԿ խաղաղապահ գործողության ավարտին նվիրված հանդիսավոր արարողություն։
Միջոցառման ընթացքում պարգևատրվել են ՀԱՊԿ անդամ երկրների զորախմբերից յուրաքանչյուրի առավել աչքի ընկած ներկայացուցիչները։ Արարողությունն ավարտվել է հինգ երկրների զինվորականների համատեղ հանդիսավոր երթով։
ՀԱՊԿ Հավաքական անվտանգության խորհրդի հունվարի 6-ի որոշման համաձայն՝ ՀԱՊԿ հավաքական խաղաղապահ ուժերը սահմանափակ ժամկետով ուղարկվել են Ղազախստան՝ «իրավիճակը կայունացնելու և կարգավորելու համար»։ Խմբավորման կազմում ընդգրկված են Ռուսաստանի, Բելառուսի, Հայաստանի, Տաջիկստանի և Ղրղըզստանի զինված ուժերի ստորաբաժանումները։
Այսօր սկսվել է Ղազախստանի տարածքից խաղաղապահ զորախմբի աստիճանական դուրսբերումը, որը կտևի մի քանի օր։
