Ադրբեջանի նախագահ Իլհամ Ալիևն այսօր Ռուսաստանի փոխվարչապետ Ալեքսեյ Օվերչուկի հետ քննարկել է երկու երկրների միջև տնտեսական համագործակցության զարգացումը և Հարավային Կովկասում տրանսպորտային հաղորդակցությունների ապաշրջափակման եռակողմ աշխատանքային խմբի գործունեությունը։ Այս մասին հայտնում է Ադրբեջանի ղեկավարի կայքը։
«Հանդիպման ընթացքում ընդգծվել է, որ Ադրբեջանի և Ռուսաստանի Դաշնության միջև երկկողմ հարաբերությունները հաջողությամբ զարգանում են բոլոր ոլորտներում, հատկապես նշվել է ապրանքաշրջանառության աճը», - ասված է հայտարարության մեջ։
Ինչպես Ալիևի գրասենյան է նշում, այսօր մտքեր են փոխանակվել նաև երկկողմ հարաբերությունների զարգացման հեռանկարների շուրջ։ Զրույցի ընթացքում «շոշափվել է փոխվարչապետերի մակարդակով ռուս-ադրբեջանա-հայկական եռակողմ հանձնաժողովի գործունեությունը, քննարկվել են հաղորդակցությունների բացման հետ կապված հարցեր»։
