Մեծ քսանյակի գագաթնաժողովն ավարտվում է առանց գլոբալ ջերմացման դեմ ուղղված վճռական պարտավորությունների։
Թեև երեկ 20 խոշոր տնտեսությունների խմբի առաջնորդները համաձայնեցին վերջնական հայտարարության շուրջ, այդուհանդերձ, այն զայրացրել է ակտիվիստներին, որոնք պահանջում են կոնկրետ պարտավորություններ ստանձնել։
Հիասթափված է նաև ԱՄՆ նախագահ Ջո Բայդենը, որ մեղադրել է Չինաստանին և Ռուսաստանին՝ կլիմայի փոփոխության հետ կապված պարտավորությունների առումով որևէ առաջարկ չանելու համար:
Դեռևս հսկայական աշխատանք պետք է տարվի Գլազգոյում, որտեղ այս շաբաթ կմեկնարկի ՄԱԿ-ի Կլիմայի փոփոխության հարցերով կոնֆերանսը։
Հռոմում կայացած G20-ի գագաթնաժողովի ընթացքում գերտերությունները խոստացել են դադարեցնել ածխի էներգիայի ֆինանսավորումը արտերկրում, չնայած որևէ ժամանակացույց չի սահմանվել։
