Նախկին դատավոր Պարգև Օհանյանը համաձայն է այն կարծիքին, որ Սահմանադրական դատարանում ճգնաժամ կա: Այդ մասին նա ասաց «Ազատությանը» տված հարցազրույցում՝ պնդելով, որ այդ հարցը պետք է լուծվի սահմանադրական փոփոխության ճանապարհով:
Ստորև՝ հատված հարցազրույցից․
«Ազատություն»․ - Սահմանադրական դատարանում ստեղծված վիճակի մասին․ պարոն Օհանյան, Դուք համաձա՞յն եք վարչապետի հետ, որ կա ճգնաժամ՝ այն հիմքով, որ քաղաքական գործարք է տեղի ունեցել Հրայր Թովմասյանի պաշտոնավարումը մինչև թոշակի տարիք ապահովելու համար:
Պարգև Օհանյան․ - Այո, համաձայն եմ, և պետք է լուծվի էդ հարցը, լուծվի սահմանադրական փոփոխության ճանապարհով, մասնավորապես՝ պիտի 213 , հա՞, հոդվածն էր կարծեմ, պիտի փոխվի: Որովհետև էնտեղ ասում է՝ պիտի դատավոր լինեն, էստեղ խոսում է անդամների մասին, և այլն, և այլն: Էս հակասության դեպքում, իրավական ակտերի մասին օրենքն ասում է, որ գերակայությունը տրվում է հատուկ նորմին, բայց քանի որ, ի վերջո, միևնույն է, լուծում պիտի տալ, ոչ թե որոշել, որ էս նորմին ենք տալիս գերակայությունը, թե էս, ապա էդ նորմը, որը առանց հանրաքվեի, եթե չեմ սխալվում, հնարավոր է փոխել, պետք է փոխել:
«Ազատություն»․ - Դու համաձա՞յն եք հիմա շատ հաճախ պատահող այն գնահատականին, որ ուշացել են իշխանությունները դատական բարեփոխումների հարցում, հապաղում են առնվազն:
Օհանյան․ - Այո:
«Ազատություն»․ - Վիրահատակա՞ն միջամտության կարիք էիք տեսնում:
Օհանյան․ - Հիմա թերապևտիկ էլ չկա, վիրահատական էլ չկա, էն էլ չկա, ոչինչ չկա, ընդհակառակը՝ մենք հետընթաց ենք արձանագրում, որովհետև ընդամենը ինչ-որ կադրեր փոխեցինք, ինչ-որ բան, բայց ոչինչ բովանդակային չփոխվեց՝ սիստեմը, համակարգը մնաց նույնը: Ասում եմ՝ նույնիսկ եթե նախկին իշխանությունների օրոք բարեփոխումների նախագիծ կար հենց գոնե դատավարության օրենսգրքի, որը շատ կարևոր է, հիմա չեն խոսում էդ մասին, հիմա ինչ-որ նախագծեր կան, որ ինձ հասկանալի չի: Օրինակ՝ ինձ հասկանալի չի 91 թվից հետո ընտրությունների հետ կապված խախտումների ինչ-որ․․․ իմաստը ես չեմ հասկանում, ասենք՝ պարզվեն լիքը խախտումներ, հետո ի՞նչ պիտի արվի:
«Ազատություն»․ - Նկատի ունեք անցումային արդարադատության կետը:
Օհանյան․ - Հա, այսինքն՝ ի՞նչ պիտի արվի, պիտի ինչ-որ, էդ իրավունքները ո՞նց պիտի վերականգնվի: Ասենք՝ 95 թվին, պարզվեց, որ Վազգեն Մանուկյանի իրավունքները խախտվել են, կամ Լևոն Տեր-Պետրոսյանի՝ 8 թվին, կամ Դեմիրճյանի՝ 3 թվին, ի՞նչ՝ էդ ժամանակը, էդ ծախսը, և այլն: Դրա փոխարեն պետք է ռեալ պրակտիկ օրենսդրական բարեփոխումներ անել՝ Սահմանադրությունից սկսած:
Հարցազրույցն ամբողջությամբ կարող եք դիտել այստեղ․
