Պարտադիր կուտակային կենսաթոշակային համակարգի դեմ պայքարող մի քանի տասնյակ երիտասարդ ակտիվիստներ այսօր բողոքի ակցիա անցկացրին «Անելիք» բանկի կենտրոնական գրասենյակի դիմաց:
«Անելիք» բանկի 68 աշխատակիցներ, հիշեցնենք, ստորագրել էին երկրի նախագահին ուղղված պարտադիր կուտակային կենսթոշակային օրենքը փոփոխության ենթարկելու մասին նամակը: Սակայն բանկի ղեկավարությունը «Անելիք»-ի կայքէջում պնդում էր, թե աշխատակիցներն այս նամակի տակ ստորագրել էին թյուրիմացաբար` չիմանալով, թե ինչի տակ են ստորագրում:
Ակտիվիստները վստահ են, որ նամակի տակ ստորագրած աշխատակիցները բանկի ղեկավարության կողմից ենթարկվում են ճնշումների:
«Մեր ընկերներին իրավունք չունի որևէ մեկը ճնշելու կամ պարտադրելու, որ իրենց կարծիքները փոխեն», - նշեց ակտիվիստներից մեկը:
«Բանկի ղեկավարությունը հայտարարեց, որ պատրաստ է իրենց աշխատողների աշխատավարձը բարձրացնել, որպեսզի չտուժեն, բայց մեր ակցիան ուղղված է նրան, որ աշխատավարձ բարձրացնելով չես լուծում երկրում անօրինական որոշումները: Պետք է պայքարել, որպեսզի հակասահմանադրական բոլոր որոշումները չեղյալ հայտարարվեն», - ասաց մեկ այլ ակտիվիստ:
Ակցիայի մասնակիցները կոչ էին անում բանկի աշխատակիցներին չենթարկվել ղեկավարության ճնշումներին. - «Կոչ եմ անում բոլոր այդ ստորագրած աշխատակիցներին, որպեսզի նրանք հրապարակայնորեն հայտարարեն իրենց դիրքորոշումը, քանի որ ունեն դրա իրավունքը, որը սահմանված է Հայաստանի Հանրապետության սահմանադրությամբ: Այլևս անցել են այն ժամանակները, որ մեր երկրում պիտի քաղաքացուն պահեն ստրուկի կարգավիճակում, փորձեն նրան ճնշել ֆինանսական կամ այլ եղանակներով»:
Ակտիվիստներից մի քանիսը, ովքեր հաշիվներ ունեին «Անելիք» բանկում, այսօր ի նշան բողոքի փակեցին դրանք:
Ակտիվիստները հաստատակամ են կուտակային կենսաթոշակային համակարգի պարտադիր բաղադրիչի դեմ իրենց պայքարում: «Հունվարի 1-ից ուժի մեջ է մտնում այդ օրենքը, դա մեզ համար ոչինչ չի փոխում: Մեր պայքարը շարունակվում է: Իմ կարծիքով, հաշվի առնելով, որ հունվարից մարդիկ ռեալ կզգան այդ օրենքի ազդեցությունը, մեր շարժումը շատ ավելի կուժեղանա», - «Ազատությանն» ասաց նրանցից մեկը:
«Անելիք» բանկի 68 աշխատակիցներ, հիշեցնենք, ստորագրել էին երկրի նախագահին ուղղված պարտադիր կուտակային կենսթոշակային օրենքը փոփոխության ենթարկելու մասին նամակը: Սակայն բանկի ղեկավարությունը «Անելիք»-ի կայքէջում պնդում էր, թե աշխատակիցներն այս նամակի տակ ստորագրել էին թյուրիմացաբար` չիմանալով, թե ինչի տակ են ստորագրում:
Ակտիվիստները վստահ են, որ նամակի տակ ստորագրած աշխատակիցները բանկի ղեկավարության կողմից ենթարկվում են ճնշումների:
«Մեր ընկերներին իրավունք չունի որևէ մեկը ճնշելու կամ պարտադրելու, որ իրենց կարծիքները փոխեն», - նշեց ակտիվիստներից մեկը:
«Բանկի ղեկավարությունը հայտարարեց, որ պատրաստ է իրենց աշխատողների աշխատավարձը բարձրացնել, որպեսզի չտուժեն, բայց մեր ակցիան ուղղված է նրան, որ աշխատավարձ բարձրացնելով չես լուծում երկրում անօրինական որոշումները: Պետք է պայքարել, որպեսզի հակասահմանադրական բոլոր որոշումները չեղյալ հայտարարվեն», - ասաց մեկ այլ ակտիվիստ:
Ակցիայի մասնակիցները կոչ էին անում բանկի աշխատակիցներին չենթարկվել ղեկավարության ճնշումներին. - «Կոչ եմ անում բոլոր այդ ստորագրած աշխատակիցներին, որպեսզի նրանք հրապարակայնորեն հայտարարեն իրենց դիրքորոշումը, քանի որ ունեն դրա իրավունքը, որը սահմանված է Հայաստանի Հանրապետության սահմանադրությամբ: Այլևս անցել են այն ժամանակները, որ մեր երկրում պիտի քաղաքացուն պահեն ստրուկի կարգավիճակում, փորձեն նրան ճնշել ֆինանսական կամ այլ եղանակներով»:
Ակտիվիստներից մի քանիսը, ովքեր հաշիվներ ունեին «Անելիք» բանկում, այսօր ի նշան բողոքի փակեցին դրանք:
Ակտիվիստները հաստատակամ են կուտակային կենսաթոշակային համակարգի պարտադիր բաղադրիչի դեմ իրենց պայքարում: «Հունվարի 1-ից ուժի մեջ է մտնում այդ օրենքը, դա մեզ համար ոչինչ չի փոխում: Մեր պայքարը շարունակվում է: Իմ կարծիքով, հաշվի առնելով, որ հունվարից մարդիկ ռեալ կզգան այդ օրենքի ազդեցությունը, մեր շարժումը շատ ավելի կուժեղանա», - «Ազատությանն» ասաց նրանցից մեկը:
