Фотагалерэі

Міжнародны жаночы дзень на машыне часу

Дзень жанчын на савецкіх паштоўках.

Асуджаныя на сьмерць. Партрэты сталінскіх ахвяраў

No one knows for sure how many people were murdered during Stalin's Great Purge, but estimates put the figure at more than 1 million. During the peak period of 1937-38, Stalin's secret police executed more than 1,000 people per day. These photos show some of the victims in their last weeks or days. (8 PHOTOS)

Міліцыя ў Іўі разграміла касьцёл. 12:5!

Каманда супрацоўнікаў івейскага РАУС і каманда ксяндзоў Гарадзенскай дыяцэзіі правялі сяброўскі футбольны матч у спартовай залі Сельскагаспадарчага ліцэю. Міліцыянты перамаглі зь лікам 12:5.

Уручэньне прэміі Ежы Гедройца

Літаратурная прэмія імя Ежы Гедройца была заснаваная напрыканцы сьнежня 2011 году і ўручаецца з 2012 года за найлепшую кнігу прозы, якая выйшла ў папярэднім годзе на беларускай мове на папяровым або электронным носьбітах.

Уручэньне прэміі імя Сьвятланы Навумавай

Прэмія імя Сьвятланы Навумавай, заснаваная грамадзянскай кампаніяй «Гавары праўду», пакліканая стымуляваць дзейнасьць палітычных журналістаў і аналітыкаў, а таксама зьвярнуць увагу на найбольш пэрспэктыўных маладых палітыкаў і грамадзкіх дзеячаў.

Фотаальбом «Мінск» Зянона Пазьняка

Блогер Darriuss апублікаваў у сваім Livejournal --> http://darriuss.livejournal.com/738908.html 20 здымкаў з фотаальбому Зянона Пазьняка «Мінск» 1968 году выданьня. Пазьняка ў 60-я гады цікавіў cтары Менск. Больш фатаздымкаў з альбому Зянона Пазьняка «Мінск» (1968) можна ўбачыць ТУТ --> http://pazniak.info/galary.php?id=43

Фота тыдня 24 лютага — 1 сакавіка 2013

Цікавыя фотаздымкі, зробленыя на гэтым тыдні фатографамі асноўных міжнародных агенцтваў

У Празе адкрываецца Беларуская клюбоўня

У клюбоўні плянуецца праводзіць кінапаказы беларускіх мастацкіх і дакумэнтальных стужак, прэзэнтацыі кнігаў, беларускія танцы і нядзельную школку для дзяцей.

Радыё Свабода - 60 гадоў

Радыё Свабода (першапачаткова - Радыё Вызваленьне) пачало перадачы з Заходняй Нямеччыны на былы Савецкі Саюз 1 сакавіка 1953 году і амаль адразу сабрала вялікую аўдыторыю пасьля асьвятленьня праз чатыры дні сьмерці Сталіна. На працягу Халоднай Вайны Радыё Свабода і Радыё Свабодная Эўропа перадавалі нецэнзураваныя навіны і інфармацыю слухачам за "жалезнай заслонай", даючы пры гэтым слова дысыдэнтам і апазыцыйным рухам у камуністычных краінах. Таму лічыцца, што гэтыя радыёстанцыі адыгралі важную ролю ў падзеньні камунізму і ўзьнікненьні дэмакратычных краінаў ва Ўсходняй Эўропе. Працуючы ад 1995 году ў Празе, РС/РСЭ сёньня - мультымэдыйная арганізацыя, якая перадае навіны і інфармацыю слухачам у тых краінах, дзе незалежныя мэдыі або забароненыя ўладамі, або недастаткова разьвітыя.

Аўтарытарызм вачыма карыкатурыстаў

Карупцыя, маніпуляцыі з мас-мэдыямі, аўтарытарнае кіраваньне - усё гэта дае шмат матэрыялу для палітычнай карыкатуры. У гэтай фотагалерэі карыкатурысты з чатырох краінаў - Сэрбіі, Азербайджану, Беларусі і Ўкраіны - прапануюць сваё прачытаньне сытуацыі ў іх краінах.

Гэнік Лойка на волі

Пасьля пяці сутак арышту за пікет ля 4-й беларускамоўнай гімназіі выйшаў на волю скульптар Гэнік Лойка.

Кадры зь фільму «Жыве Беларусь!»

Фільм «Жыве Беларусь!» апавядае пра сучасную Беларусь. Маладога рок-музыку Мірона Захарку забіраюць у войска, а гурт трапляе ў чорныя сьпісы. У войску ён пачынае весьці дзёньнік у інтэрнэце, дзе апісвае дзедаўшчыну і ўмовы службы. Дзёньнік перарастае ў адкрытае супрацьстаяньне з рэжымам. Фільм «Жыве Беларусь!» (Viva Belarus!). Прэм’ера фільму ў кінатэатрах Эўропы — 19 красавіка.

Як адзначалі 23 лютага на «Лініі Сталіна»

23 лютага на тэрыторыі гісторыка-культурнага комплексу «Лінія Сталіна» прайшло ваенна-спартовае сьвята, прысьвечанае Дню памяці воінаў-інтэрнацыяналістаў і Дню Абаронцаў Айчыны і Узброеных Сілаў Рэспублікі Беларусь. У праграме сьвята значыліся рэканструкцыя «Бой за блёкпост», рэканструкцыя бою зімовай кампаніі «Суровая зіма 43», паказальныя выступы спартова-парашутнай каманды па парашутна-купальнай акрабатыцы, рукапашны бой, выступ службовых сабакаў, выступ «Акадэмічнага ансамблю песьні і танцу УС РБ» Карэспандэнт Свабоды наведаў месца падзеі.

Вярнуўся з турмы — хаты няма

Адзін з асуджаных, Вадзім Р., вярнуўся літаральна на руіны.Хлопцу далі часовае жыльлё, адрамантавалі хату, далі працу. Аднак далей ўсё разьвівалася і па не такім ужо нетыповым сцэнары — ён ізноў трапіў за краты.

Тыдзень у фота. 17-23 лютага 2013

Фатаграфіі тыдня з розных рэгіёнаў сьвету.

Васіль Старавойтаў

Жыцьцё на сметніку

На Магілёўскім палігоне цьвёрдых бытавых адыходаў дзясяткі чалавек жывуць з таго, што выбіраюць са сьметнішча ўсё, што можна прадаць альбо выкарыстаць у гаспадарцы.

Варкута: Ад ГУЛАГу да прамысловага заняпаду

Працоўныя лягеры ў Варкуце была заснаваныя ў 1931 годзе для здабычы паўночнаўральскага вугалю за 150 км на поўнач ад Палярнага кругу. 25 гадоў зьняволеныя і ссыльныя ператварылі тамтэйшую тундру ў адзін з найбольшых савецкіх вугальных басэйнаў з 20 шахтамі, электрастанцыямі, дарогамі, чыгункай і новым горадам Варкута. Сёньня Варкута - прамысловы горад у стане заняпаду, дратаваны карупцыяй і беднасьцю. на фатаздымках - Варкута ў часы ГУЛАГу і сёньня.

Пераможцы 56-га конкурсу World Press Photo

World Press Photo, незалежная некамэрцыйная арганізацыя, якая падтрымлівае фотажурналістыку, зноў уганаравала найлепшых фаторгафаў з усяго сьвету. Тут падборка здымкаў пераможцаў за 2012 год, якія былі абвешчаныя 15 лютага. На конкурс падалі больш за 100,000 фотаздымкаў.

Тыдзень у фота. 9-15 лютага 2013

Найлепшыя фатаграфіі тыдня.

Жыцьцё Бэнэдыкта XVI у фотаздымках

Ёзэф Алёіс Ратцынгер (нар. у 1927) быў абраны папам 19 красавіка 2005 году. Бэнэдыкт XVI стаў другім запар рымскім папам неітальянцам. Ён немец, баварац, удзельнік 2-й Сусьветнай вайны, служыў у Вэрмахце ў падразьдзяленьнях супрацьпаветранай абароны. У 1946-1951 гадах атрымаў вышэйшую адукацыю ў сфэрах тэалёгіі і філязофіі ў Мюнхэнскім унівэрсытэце.

Васіль Парфянкоў выйшаў на волю

Падпольны ліцэй: фотарэпартаж з Esquire

Днямі ў расейскім выданьні Esquire зьявіўся вялікі фотарэпартаж з падпольнага ліцэю імя Якуба Коласа, зроблены італьянскім фатографам Алесандра Вінчэнцы. Аўтар апавёў у інтэрвію Радыё Свабода, чым яго натхніла Беларусь і як ён трапіў у падпольны ліцэй Франак Вячорка: Чаму Беларусь? Алесандра Вінчэнцы: Беларусь, таму што калі я пачаў працаваць ва Ўсходняй Эўропе, нічога ня ведаў пра гэтую краіну, і проста хацеў даведацца больш. Франак Вячорка:І вы вырашылі туды паехаць? Алесандра Вінчэнцы: Я ўпершыню паехаў у Беларусь у 2009 годзе, каб зрабіць здымкі Беларускага Свабоднага тэатру, і пакуль я там быў, даведаўся шмат новага ды цікавага, многія сталі маімі добрымі сябрамі. Першы раз я паляцеў наўпрост з Мадрыду ў Менск, а другі раз ехаў празь Вільню, там цягніком. Франак Вячорка: А чым вас прывабіў падпольны беларускі ліцэй? Алесандра Вінчэнцы: Мае добрыя сябры сказалі пра гэты ліцэй, маўляў, гэтая тэма можа мяне зацікавіць. І сапраўды, гэта было надзвычай цікава. Я паехаў у Менск і правёў 10 дзён у ліцэі. Гэта незвычайная школа. Гэта асабліва для Эўропы. Я б нават сказаў — гэта ўнікальна. Я проста быў уражаны адданасьцю спадара Коласа, выкладнікаў ды ліцэістаў. Іншыя б людзі склалі рукі пасьля такога перасьледу, які ім давялося перажыць. Франак Вячорка: А што вы хацелі сказаць гэтым рэпартажам? Алесандра Вінчэнцы: Мая галоўная мэта — апавесьці гісторыі, які раскрываюць сытуацыю ў Беларусі. Маленькія гісторыі складваюцца ў сукупнасьці могуць значна глыбей паказаць агульную сытуацыю ў краіне, чым нейкі рэпартаж.

Фота тыдня 4-8 лютага 2013

Лепшыя фотаздымкі, зробленыя на гэтым тыдні фатографамі асноўных міжнародных агенцтваў.

Фінальная галасаванка ў конкурсе «Каго любіш? Люблю Беларусь!»

Радыё Свабода атрымала на конкурс «Каго любіш? Люблю Беларусь!» больш за 260 працаў, фотаздымкаў, каляжоў, коміксаў, малюнкаў, дэматыватараў. Журы Радыё Свабода абрала найбольш цікавыя ў шорт-ліст. Адзін пераможца будзе вызначаны галасаваньнем на cайце, два іншыя — меркаваньнем журы, у якое ўвойдуць Лявон Вольскі, Вінсэнт, Сяргей Навумчык, Рэспубліка Паліна ды іншыя вядомыя людзі. Пераможца будзе вызначаны КОЛЬКАСЬЦЮ аддадзеных галасоў, а не рэйтынгам. Каб прагаласаваць за працу — дастаткова клікнуць на зорачку пад упадабаным малюнкам. Нават калі вы паставіце найніжэйшую адзнаку — голас будзе залічаны ў падтрымку. Галасаваць можна за любую колькасьць малюнкаў. Прызы пераможцам: 1 месца — Пляншэт Prestigio MultiPad PMP 5080 2 месца — Электронная кніга Amazon Kindle 3 месца —Плэер Apple IPod shuffle 2gb

Кватэра Сашы Варламава і фота зь сямейнага альбома

Варламаў жыў у двухпакаёвай кватэры на вуліцы Асаналіева, у далёка не элітным менскім раёне. Прычым кватэра гэтая належыць ягонай сястры.

Каляжы, матыватары і дэматыватары на конкурс «Каго любіш? Люблю Беларусь!»

Працягваем публікаваць найбольш цікавыя працы, дасланыя на конкурс, прымеркаваны да 175-годзьдзя з дня нараджэньня Кастуся Каліноўскага і 150-годзьдзя ад пачатку паўстаньня 1863–1864 гадоў.

Славутыя асобы Беларусі

Калекцыя літаграфіяў належыць сям’і мастакоў Валянціну і Ліліі Варэцам, якія цяпер жывуць у Аўстраліі. Мастакі па паходжаньні ўкраінцы, якія прыехалі ў Беларусь у 1985 годзе. Напачатку 90-х гадоў яны захапіліся стварэньнем партрэтаў гістарычных асобаў Беларусі. Шмат якія творы ўвайшлі ў падручнікі для школаў. Былі выдадзеныя альбомы «Гістарычныя асобы Беларусі» і «Культурныя дзеячы Беларусі», рэкамэндаваныя як навучальныя дапаможнікі для 5-8 клясаў. Партрэты славутых беларусаў аздобленыя шляхетнымі пячаткамі, гербамі гарадоў, архітэктурнымі будынкамі той пары, бел-чырвона-белымі сьцягамі. У 1995 годзе сям’я Варэцаў эмігравала. З тае пары калекцыя была доўгі час схаваная ад вачэй беларусаў. У 2007 годзе адбылася выстава «Гістарычныя постаці Беларусі» з удзелам маладога мастака Зьмітра Шапавалава. Усе прадстаўленыя літаграфіі можна набыць праз электронную пошту --> mailto:litagrafii@gmail.com ці ў Кнігарні "Ў". Галерэя літаграфіяў публікуецца ў адукацыйна-асьветніцкіх мэтах.

Фотаздымкі на конкурс «Каго любіш? Люблю Беларусь!»

Да 2 лютага Радыё Свабода прымае працы на конкурс «Каго любіш? Люблю Беларусь!», прымеркаваны да 175-годзьдзя з дня нараджэньня Кастуся Каліноўскага і 150-годзьдзя ад пачатку паўстаньня 1863–1864 гадоў. Сёньня мы пазнаёмім вас з працамі ў катэгорыі «фатаздымкі».

Фота тыдня: 28 студзеня — 1 лютага 2013

Працы на конкурс «Каго любіш? Люблю Беларусь!» Паштоўкі і малюнкі

Да 2 лютага Радыё Свабода прымае працы на конкурс «Каго любіш? Люблю Беларусь!», прымеркаваны да 175-годзьдзя з дня нараджэньня Кастуся Каліноўскага і 150-годзьдзя ад пачатку паўстаньня 1863–1864 гадоў. УМОВЫ КОНКУРСУ ТУТ --> http://www.svaboda.org/content/kastus-kalinouski-competition/24879805.html Мы пачынаем публікаваць найбольш цікавыя працы з тых, што ўжо атрымалі на конкурс, а гэта больш за 150 разнастайных фатаздымкаў, малюнкаў, паштовак, каляжаў, дэматыватараў, вершаваных і публіцыстычных твораў. Усе працы мы падзялілі па наступных катэгорыях: — паштоўкі і малюнкі, — дызайны, графіці і эскізы для цішотак, — фатаздымкі, — каляжы і дэматыватары, — вершаваныя і публіцыстычныя творы. Сёньня мы пазнаёмім вас з працамі ў катэгорыі «паштоўкі і малюнкі».

Як мянялася «Мапа свабоды прэсы» 2005-2013

Арганізацыя «Рэпартэры бяз межаў» апублікавала «Усясьветны індэкс свабоды прэсы», паводле якога Беларусь — на 157-ым месцы. Пасьля Эфіёпіі, Бірмы, Гамбіі і Азэрбайджану. У справаздачы адзначаецца, што пасьля «арабскай вясны» ды іншых палітычных катаклізмаў, якія паўплывалі на становішча некаторых краінаў у леташнім рэйтынгу, сёлета рэйтынг вярнуўся да больш звыклай канфігурацыі. Гэта індэкс зьяўляецца добрым адлюстраваньнем пазіцыяў урадаў у дачыненьні да сродкаў масавай інфармацыі ў сярэднетэрміновай альбо доўгатэрміновай пэрспэктыве. Прыкметна, што бяз зьменаў засталіся як тройка лідэраў — краінаў, дзе ўрад паважае свабоду СМІ (Фінляндыя, Нідэрлянды і Нарвэгія), так і аўтсайдэраў (Туркмэністан, Паўночная Карэя і Эрытрэя). Адной з найбольш небясьпечных краінаў для журналістаў названая Сырыя (176 месца), дзе журналісты і актыўныя карыстальнікі сацыяльных сетак зрабіліся ахвярамі як рэжыму Асада, так і апазыцыйных груповак, якія таксама выявілі нецярпімасьць да іншадумства. У Амане (141 месца) пракацілася хваля арыштаў карыстальнікаў Інтэрнэту. Што датычна Беларусі, дык яна ў справаздачы разглядаецца разам з Азэрбайджанам. І хаця абедзьве краіны нібыта палепшылі свае паказьнікі (Азэрбайджан са 162 месца ўзьняўся на 156-ае, а Беларусь — са 168-га на 157-ае), але аўтары справаздачы зьвязваюць гэта з тым, што год таму на рэйтынг уплывалі гвалтоўныя падаўленьні апазыцыйных пратэстных акцый.

Чэрвеньскі рынак і яго працаўнікі

Ад 1 лютага спыняе працу адзін з найстарэйшых рынкаў гораду — Чэрвеньскі. На гэтым месцы мае паўстаць гандлёва-забаўляльны комплекс. Прыватным прадпрымальнікам прапанавалі новую гандлёвую пляцоўку, аднак «чаўнакі» заяўляюць, што новага рынку яшчэ не існуе, таму яны застануцца бяз працы. Чэрвеньскі рынак дажывае апошнія дні: ад 1 лютага ўсялякі гандаль тут спыняецца, а ўсе намёты належыць перанесьці на тэрыторыю новага рынку. Але ўжо зараз некаторыя павільёны зачыненыя, пакупнікоў — адзінкі. Новы рынак мае разьмясьціцца насупраць Лошыцкага парку, на месцы былога канцавога прыпынку грамадзкага транспарту. Чытаць тэкст тут: http://www.svaboda.org/content/article/24887305.html --> http://www.svaboda.org/content/article/24887305.html

Яркія здымкі 125 гадоў Нацыянальнага геаграфічнага таварыства

У студзені 1888 году групка навукоўцаў і энтузіястаў у ЗША заснавала Нацыянальнае геаграфічнае таварыства, каб "пашырыць геаграфічныя веды". У кастрычніку 1888 году выйшаў у свьет першы нумар часопісу таварыства, National Geographic. Сёньня гэта адна з найбольшых у сьвеце адукацыйна-навуковых арганізацый. Да свайго 125-годзьдзя таварыства апублікавала падборку здымкаў некаторых яркіх момантаў сваёй гісторыі.

Акуна Матата. Беларусы ў Кеніі

Журналіст Франак Вячорка і сьпявак Вінсэнт паехалі валянтэрамі ў Кенію. Пра ўражаньні ад паездкі, ламаньне культурных стэрэатыпаў і экстрэмальны досьвед на чорным кантынэнце — чытайце ў новым блогу. http://www.svaboda.org/content/belarusians-in-kenya-hakuna-matata/24884538.html --> http://www.svaboda.org/content/belarusians-in-kenya-hakuna-matata/24884538.html

Фота тыдня 21-25 студзеня

Найцікавейшыя фота за мінулы тыдзень з усяго сьвету.

Грушаўка барачная

Старшыня Менгарвыканкаму Мікалай Ладуцька заявіў, што двухпавярховыя баракі ў горадзе будуць зьнесеныя. А на іх месцы пабудуць шматпавярховыя дамы.

Пахаваньне Юрыя Гуменюка

Праводзіць памерлага паэта прыйшлі родныя, знаёмыя, сябры, суседзі з вуліцы Веры Харужай.

Разьвітаньне зь Міхасём Чарняўскім

У Менску прайшло разьвітаньне зь вядомым гісторыкам, археолягам і грамадзкім дзеячам Міхасём Чарняўскім, які памёр у нядзелю 20 студзеня на 75-м годзе жыцьця. Правесьці ў апошні шлях Міхася Чарняўскага прыйшлі вядомыя літаратары, навукоўцы і грамадзкія дзеячы. Труна Міхася Чарняўскага патанала ў жывых кветках, жалобная заля была перапоўненая людзьмі: разьвітацца з настаўнікам, паплечнікам і сябрам прыйшлі дзясяткі людзей, хто падзяляў ягоныя ідэі і жыцьцёвую пазыцыю — змаганьне за нацыянальныя каштоўнасьці, вольную і незалежную Беларусь. На разьвітаньне прысутныя прасьпявалі малітоўны гімн «Магутны Божа». Пахавалі Міхася Чарняўскага на радзіме, у вёсцы Круці Мядзельскага раёну.

Беларускія клёны

«Alpen Gold» ці «Alpen Krone», «Nemiroff» ці «Nemanoff», «Darida Cola» ці «Pepsi Cola»? — Беларускія вытворцы, маркетолягі і дызайнэры пераймаюць у замежных кампаній рэклямныя шрыфты, малюнкі, слоганы, брэнды і маркі. І нават самі робяцца ахвярамі крадзяжу інтэлектуальнай уласнасьці. Чаму і навошта?

Разьвітаньне: Міхал Чарняўскі

Міхась Чарняўскі (07.03.1938 - 20.01.2013) — дасьледнік паваеннага антыбальшавіцкага супраціву, грамадзкі, палітычны і культурны дзеяч Беларусі, археоляг і гісторык, пісьменьнік, дацэнт кафедры археалогіі і дапаможных гістарычных дысцыплінаў Беларускага дзяржаўнага ўнівэрсытэту. Адзін з заснавальнікаў БНФ ды ініцыятар адраджэньня беларускай сацыял-дэмакратыі. Чытаць ТУТ --> http://www.svaboda.org/content/transcript/24235172.html

Беларускае вадохрышча

Сьвята Вадохрышча адзначаюць 19 студзеня праваслаўныя вернікі. У Менску традыцыйна акуналіся ў палонку на Цнянскім вадасховішчы.

Фота тыдня 14-18 студзеня

Самыя цікавыя здымкі тыдня па вэрсіі Радыё Свабода

Канцэрт Аляксандра Памідорава ў Празе

Пад патранажам Радыё Свабода ў Празе адбыўся сольны канцэрт беларускага шоўмэна і музыкі Аляксандра Памідорава. Музыка выканаў песьні з альбому "Сьвята пакрадзенае" і новай кружэлкі "Патас/Попс/Прапаганда", а таксама прасьпяваў рымэйкі на некаторыя сусьветна вядомыя гіты.

Фатограф, які дзьме на вас

Скура сьціснутая. Вусны скрыўленыя. Зубы аголеныя. Валасы — ў розныя бакі. Не, гэта не парад зомбі, гэта адзін з апошніх праектаў 29-гадовага літоўскага фатографа Тадао Цэрна, які жыве ў Вільні. Шмат увагі прыцягнула сэрыя ягоны фатаграфій, на які на твары людзей дзьме моцны паток паветра. Паводле фатографа эфэкт такі ж, як калі высунуць галаву з вакна аўтамабіля, які імчыцца на хуткасьці 300 кілямэтраў у гадзіну. Фотаздымкі сьмешныя, дзіўныя, і трохі трывожныя. Сп-р Цэрн кажа, што фатаграфіі не маюць ніякіх схаваных сэнсаў. «Яны павінны выклікаць добры сьмех гледачоў і ўдзельнікаў», кажа ён. «Плён аказаўся большым, чым я чакаў, і менавіта таму мне падабаецца тое, што я раблю сёньня, кожны дзень поўны прыемных сюрпрызаў» Фатограф лічыць, што ягоны праект стаў такім хітом з-за яго эстэтычнага падыходу. «Былі і іншыя фатографы, якія спрабавалі рабіць тое ж самае, але мае здымкі прыцягнулі так шмат гледачоў, таму што ў іх чысты і просты стыль», кажа ён. «Яны прымушаюць вас сьмяяцца, і ня толькі таму, што яны выглядаюць сьмешна, але і таму, што людзі ў гэтых здымках выглядаюць так, нібыта яны сьмяюцца» Яшчэ адзін твор Цэрна знакаміты аўтапартрэт Вінцэнта Ван Гога, перароблены з выкарыстаньнем жывой мадэлі, іншай вопраткі, і лічбавай рэтушы. Тадао Цэрн мае ступень магістра ў галіне архітэктуры, але вырашыў паспрабаваць нешта новае — у яго выпадку, фатаграфіі. «Мая прапанова людзям — і ня толькі мастаку — не бойцеся нешта зьмяніць у сваім жыцьці," кажа ён. «Гэта можа дорага вам каштаваць, але ў канчатковым выніку яно акупляецца і варта рызыкаваць. Вы даведаецеся шмат, вы будзеце ганарыцца сабой і, нарэшце, вы не будзеце адчуваць віну за марнаваньне свайго жыцьця».

Фота дня 14 студзеня

Найлепшыя здымкі з розных краінаў сьвету. Выбарка Радыё Свабода

Найлепшыя фота National Geographic за 2012 год

Судзьдзі амэрыканскага часопісу National Geographic паглядзелі больш за 22 тысячаў здымкаў, якія падалі фатографы з 150 краінаў, каб вызначыць пераможцаў фотаконкурсу 2012 году. Фотаздымкі ацэньвалі ў трох катэгорыях: «Людзі», «Месцы» і «Прырода». Ашлі Вінцэнт (Ashley Vincent) з Чонбуры ў Тайляндзе атрымаў галоўную прэмію ў 10 тысяч даляраў (і першае месца ў катэгорыі «Прырода») за неверагодны кадр тыгрыцы ў адным з заапаркаў Тайлянду, калі тая абтрасала ваду пасьля купаньня. Ненад Шаліч (Nenad Šaljić) з Спліту ў Харватыі стаў першым у катэгорыі «Месцы» са сваім напоўненым настроем здымкам швайцарскай гары Матэргорн. А Майка Альбэрт (Micah Albert) з горада Фэйр-Оўкс ў Каліфорніі ў ЗША атрымаў першае месца ў катэгорыі «Людзі» за сваю неверагодную фатаграфію жанчынаў, якія рыюцца на сьметніку каля трушчобаў горада Найробі у Кеніі, які стаўся прычынай шэрагу хваробаў, ад якіх пакутуе каля мільёна жыхароў гэтых трушчобаў. У журы конкурсу былі фатограф-прыродазнавец Крысьціян Цыглер (Christian Ziegler) і фатографы-дакумэнталісты Герд Людвіг (Gerd Ludwig) і Дэбі Флэмінг Кафэры (Debbie Fleming Caffery). Кен Гайгер (Ken Geiger), намесьнік дырэктара часопіса па фатаграфіі, сказаў, што калібр прадстаўленых на конкурс фота і далей дзівіць яго. «Адно толькі колькасьць пададзеных здымкаў паказвае, наколькі важнай і даступнай стала лічбавая фатаграфія, — сказаў Гайгер. — Яна дазваляе фатографам ва ўсім сьвеце дзяліцца бачаным і перажытым».

Тыдзень у фота. 4-11 студзеня 2013

Найлепшыя фатаграфіі тыдня.

150 гадоў лёнданскаму мэтро

9 студзеня 1863 году першы цягнік праехаў падземным маршрутам паміж лёнданскімі станцыямі Падынгтан і Фарынгдан. На пачатку свайго функцыянаваньня першая ў сьвеце лінія мэтрапалітэну перавозіла 26 000 пасажыраў за дзень. Сёньня колькасьць пасажыраў лёнданскага мэтро дасягае трох з паловаю мільёнаў людзей. Мэтрапалітэн у сталіцы Вялікай Брытаніі — гэта 270 станцыяў і 402 кілямэтры каляінаў, 45 працэнтаў зь якіх пракладзеныя пад зямлёй. Ніжэй — кароткая фотагісторыя лёнданскай падземкі.

Афіцыйныя сайты прэзыдэнтаў Беларусі, Латвіі, Літвы, Польшчы, Расеі і Ўкраіны