Прэм’ер-міністар Ізраіля Біньямін Нэтаньягу прыбыў у Вугоршчыну раніцай 3 красавіка.
Міністар абароны Вугоршчыны Крыштаф Салай-Бобраўніцкі сустрэў Нэтаньягу ў аэрапорце Будапэшта каля 2:30 ночы, а потым пацьвердзіў прыбыцьцё ізраільскага лідэра ў паведамленьні ў Facebook.
«Сардэчна запрашаем у Будапэшт, Біньямін Нэтаньягу!»,- Крыштаф Салай-Бобраўніцкі напісаў у сваім пасьце ў Фэйсбуку.
Нягледзячы ордэр МКС, Нетаньягу практычна ўпэўнены, што яго не затрымаюць падчас яго чатырохдзённага візыту.
Як краіна, якая падпісала дамову аб Гааскім судзе, Вугоршчына абавязаная арыштаваць Нэтаньягу, але прававая сытуацыя ў краіне складаная і дае ўраду дастаткова магчымасьцей для ваганьняў, каб прыняць яго зь візытам.
Прэмʼер-міністар Вугоршчыныі Віктар Орбан публічна запрасіў Нэтаньягу ў лістападзе неўзабаве пасьля таго, як МКС выдаў ордэр. Ізраільскі лідэр павінен прыбыць з чатырохдзённым візытам 2 красавіка.
«Я гарантую яму, калі ён прыедзе, што рашэньне МКС ня будзе мець ніякага эфэкту ў Вугоршчыне», — сказаў Орбан.
Тым часам дыпляматычныя крыніцы ў Вугоршчыне паведамілі Радыё Свабода, што краіна вырашыла выйсьці з МКС, хоць гэта нельга адразу пацьвердзіць афіцыйна.
Вугоршчына ратыфікавала Рымскі статут у 2001 годзе. Але так і ня быў зроблены другі крок, які зводзіцца да ўключэньня статута ў нацыянальны прававы кодэкс краіны. Гэтую аргумэнтацыю і выкарыстоўвалі вугорскія ўлады:
«Дзякуючы былому прэзыдэнту Янашу Адэру ў нас было разуменьне ніколі не рабіць гэта часткай унутранага заканадаўства», — заявіў 13 сакавіка прэс-сакратар ураду Гергей Гуляш.
