Як паведаміла выданьне Office Life, гэты пералік ужо некалькі разоў пераглядаўся, а ў 2022 годзе яго скарацілі з 181 да 88 пазыцый.
У пераліку засталіся работы, зьвязаныя з пад’ёмам і перамяшчэньнем цяжкасьцяў уручную, а таксама некаторыя горныя работы. Апроч таго, жанчынам нельга займацца тушэньнем пажараў, быць вадалазамі і гэтак далей.
У сакавіку 2025 году міністар працы і сацыяльнай абароны Натальля Паўлючэнка анансавала чарговае скарачэньне сьпісу забароненых для жанчын работ, паколькі «мадэрнізуюцца вытворчыя працэсы», што дазваляе залучаць на пэўныя пазыцыі ня толькі мужчын, а і жанчын.
Цяпер прапанавалі ўвогуле скасаваць пералік. Паводле распрацоўшчыкаў адпаведнага законапраекту, беларускае заканадаўства ўжо забясьпечыла абарону здароўя жанчын, у тым ліку падчас цяжарнасьці.
Апроч таго, скасаваньне пераліку пашырыць магчымасьці ў выбары прафэсіі для жанчын.
Выданьне сьцьвярджае, што цяпер больш, чым у 140 краінах адсутнічаюць абмежаваньні для выкарыстаньня працы жанчын на небясьпечных работах, калі гэта не абумоўлена мэдычнымі прычынамі і прычынамі бясьпекі.
Форум