Як адзначаецца ў паведамленьні, з расейскага палону вызваленыя цяжкапараненыя і цяжкахворыя вайскоўцы. Аб колькасьці вызваленых не паведамляюць «у мэтах бясьпекі».
Сярод вызваленых, у тым ліку, абаронцы Марыюпалю, якія былі ў палоне больш за тры гады. Частку перададзеных Расеяй украінскіх вайскоўцаў дагэтуль лічылі зьніклымі бязь вестак.
Міністэрства абароны Расеі пацьвердзіла абмен. Там адзначылі, што ў гэтым момант расейскія вайскоўцы перабываюць на тэрыторыі Беларусі, дзе ім надаюць мэдычную і псыхалягічную дапамогу.
Усе расейскія вайскоўцы, вернутыя з палону, пасьля Беларусі будуць перавезеныя ў Расею, дзе будуць праходзіць лячэньне і рэабілітацыю ў адпаведных установах.
2 чэрвеня ў Стамбуле дэлегацыі Ўкраіны і Расеі дамовіліся аб новых абменах палоннымі. Як паведаміў міністар абароны Ўкраіны Рустэм Умераў, ёсьць дамоўленасьць засяродзіцца на канкрэтных катэгорыях, а не на лічбах: на абмене «ўсіх на ўсіх» цяжка параненых і цяжка хворых ваеннапалонных, другая катэгорыя — гэта маладыя салдаты ўзростам ад 18 да 25 гадоў. Таксама была дамоўленасьць аб вяртаньні 6000 целаў загінулых салдатаў.
Абмен палоннымі цяпер адбываецца на мяжы Беларусі і Ўкраіны.
11 чэрвеня Ўкраіна і Расея абмяняліся целамі загінулых у баях вайскоўцаў.
Форум