Мэдаль Францішка Скарыны прысуджаецца за ўнёсак у разьвіцьцё беларускай навукі, адукацыі і культуры. У выпадку зь Лявонам Вольскім — гэта прызнаньне шматгадовай працы, якая зрабіла яго творчасьць неад’емнай часткай музычнага жыцьця Беларусі, адзначае Ціханоўская ў сваім канале.
Беларуская палітыкіня падзякавала музыку за ўплыў на фармаваньне беларускай тоеснасьці і самасьвядомасьці.
«Для мяне імя Лявона Вольскага — сынонім беларускай рок-музыкі. На альбомах вашай творчасьці вырасьлі ўжо цэлыя пакаленьні. Пры гэтым актуальнасьць гэтай музыкі ня толькі захоўваецца — яна нават расьце з гадамі. Я радая, што мы можам уручыць вам гэты мэдаль тут, у дарагой вашаму сэрцу мультыкультурнай Вільні. Хаця, вядома, з большай радасьцю я ўручыла б вам яго ў Менску. Але і гэта аднойчы будзе, я ўпэўненая. Дзякуй вам за тое, што ўсё жыцьцё вы набліжаеце момант, калі Беларусь зноў стане насамрэч беларускай».
Форум