Лінкі ўнівэрсальнага доступу

Абмежаваньняў наведваць лясы няма толькі на Гомельшчыне, за дзень у Беларусі патушылі 7 лясных пажараў


Ілюстрацыйнае фота
Ілюстрацыйнае фота

Абмежаваньні на наведваньне лясоў дзейнічаюць ува ўсіх раёнах Віцебскай і Горадзенскай вобласьцяў і амаль на ўсёй Берасьцейшчыне, сьведчыць інтэрактыўная мапа на сайце Міністэрства лясной гаспадаркі Беларусі.

У Берасьцейскай вобласьці абмежаваньні ўвялі амаль усюды, акрамя Ганцавіцкага, Янаўскага, Камянецкага, Лунінецкага і Пінскага раёнаў.

У Менскай вобласьці дзейнічаюць абмежаваньні на наведваньне лясоў у Барысаўскім, Вялейскім, Валожынскім, Дзяржынскім, Капыльскім, Менскім, Маладачанскім, Мядзельскім, Слуцкім, Смалявіцкім, Стаўпецкім ды Узьдзенскім раёнах.

У Магілёўскай вобласьці наведваньня лясоў не абмежавалі нідзе, акрамя Шклоўскага раёну.

Пакуль яшчэ можна свабодна наведваць лясы ў Гомельскай вобласьці.

Абмежаваньне азначае, што ў лясы нельга заяжджаць на аўтамабілі і разводзіць там вогнішчы. Даступныя пешыя шпацыры, збор ягадаў і грыбоў. За парушэньне пажарнай бясьпекі прадугледжаная адказнасьць паводле арт. 15.29. КаАП (штраф для фізычных асобаў — да 1050 беларускіх рублёў).

Паводле апэратыўных зьвестак Міністэрства надзвычайных сытуацыяў, з 6:00 2 красавіка да 6:00 3 красавіка ў Беларусі зьліквідавалі сем лясных пажараў (пяць зь іх у Горадзенскай вобласьці і два ў Менскай) на агульнай плошчы 64,4 га і 103 пажары травы і кустоў на агульнай плошчы 16,721 га.

У тушэньне лясных пажараў залучылі 51 адзінку тэхнікі і 226 чалавек.

У 2024 годзе амаль 60% усіх лясных пажараў выявілі з дапамогай аўтаматычнай сыстэмы відэаназіраньня, у лясах працуе 400 камэраў, паведаміў намесьнік начальніка ўправы лясной гаспадаркі Міністэрства лясной гаспадаркі Віктар Зьвяртоўскі на прэс-канфэрэнцыі 19 сакавіка.

Паводле яго, сярэдняя плошча ляснога пажару летась склала 0,7 га.

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.
Ігар Лосік Кацярына Андрэева Ірына Слаўнікава Марына Золатава
XS
SM
MD
LG