Як вынікае з апублікаванага на Нацыянальным прававым інтэрнэт-партале Беларусі рашэньня, большасьці зь іх дадуць імёны савецкіх дзеячаў.
У прыватнасьці, вуліца на тэрыторыі жылой забудовы на скрыжаваньні вул. Рафіева — Ясеніна атрымае імя Героя Савецкага Саюзу, камандзіра партызанскага атраду ў гады Другой усясьветнай вайны Міная Шмырова (Бацькі Міная). Гэты адрэзак будуць называць вуліцай Бацькі Міная, іншы адрэзак у гэтым ж комплексе атрымаў назву «завулак Вяршынны».
У комплексе жылой забудовы «Утульны» (квартал аднакватэрных і блякаваных жылых дамоў сядзібнага тыпу ў раёне вуліцы Парніковай — Падлеснай — Анаева) зьявяцца вуліца Дыпляматычная, імя Андрэя Грамыкі (міністра замежных спраў СССР у 1957–1985 гадах, ураджэнца Гомельскай вобласьці Беларусі. — РС), і імя Анатоля Гурыновіча (міністра замежных спраў БССР у 1966–1990 гадах. — РС).
Апроч таго, сквэру ў межах вуліцы Каржанеўскага, ДС «Курасоўшчына», ААТ «Інтэграл» і Менскага гарадзкога цэнтру алімпійскай рэзэрвы «Атлет» прысвоілі імя Пятра Гайдзенкі, колішняга дырэктара заводу «Інтэграл».
Форум