Паводле яго слоў, Менск і Бялград «прыярытэтную ўвагу надаюць гандлёва-інвэстыцыйным праектам, гуманітарнаму супрацоўніцтву, пераемнасьці традыцыйных каштоўнасьцяў» (цытата па паведамленьні прэс-службы Лукашэнкі).
Ён таксама заявіў аб падтрымцы «у справах сувэрэнітэту і тэрытарыяльнай цэласнасьці Сэрбіі».
Сэрбія зьяўляецца кандыдатам на ўступленьне ў ЭЗ. У 2021 годзе Бялград далучыўся да санкцый ЭЗ супраць Менска, пасьля расейскага ўварваньня ва Ўкраіну падтрымаў наступныя пакеты абмежаваньняў. У канцы студзеня 2022 года беларускі ўрад распаўсюдзіў на Сэрбію прадуктовае эмбарга, уведзенае ў адказ на санкцыі. Пры гэтым Сэрбія 25 кастрычніка 2019 года падпісала пагадненьне аб зоне свабоднага гандлю з Эўразійскім эканамічным саюзам, у які ўваходзіць Беларусь. Дакумэнт набыў моц 10 ліпеня 2021 года.
- Вучыч быў першым сярод кіраўнікоў эўрапейскіх дзяржаў, якія павіншавалі Лукашэнку з «перамогай на выбарах» 26 студзеня. Ён зрабіў гэта двума днямі пазьней.
- Вучыч і Лукашэнка ўзаемна наведвалі Менск і Бялград у 2019 годзе. Іх апошняя на гэты момант сустрэча адбылася ў лістападзе мінулага года ў Баку (Азэрбайджан) на палях Сусьветнага кліматычнага саміту.
- У 2017 годзе прэзыдэнт Сэрбіі наведваў Беларусь у якасьці прэм’ер-міністра краіны.
Форум