Генадзю Саўрыцкаму 61 год. Ён родам зь Менску. Ягоны бізнэс — ААТ «Анастан», буйная кампанія, якая займаецца вытворчасьцю пенаплясту, піша «Наша ніва». Ягонай жонцы Ірыне 58 гадоў. Яна працавала спэцыялісткай у продажах, а пасьля мэнэджарам у «Анастане».
У пары дзьве дачкі. Адна зь іх, Віялета, праходзіць у адной справе з бацькамі. Ёй 23 гады, яна скончыла школу ў Менску, пасьля паступіла ў Варшаўскую акадэмію мастацтваў. Дзяўчына захапляецца фатаграфіяй і любіць падарожжы.
Суд над сям'ёй пачнецца 13 лістапада ў Менскім гарадзкім судзе. Іх абвінавачваюць у «распальваньні варожасьці» (ч. 3 арт. 130 КК). Пакараньне па гэтым артыкуле ад 5 да 12 гадоў зьняволеньня.
Судзіць сям’ю Саўрыцкіх будзе судзьдзя Міхаіл Макарэвіч. Акалічнасьці справы невядомыя, як і сутнасьць абвінавачаньня.
Форум