Помнік, адзначае выданьне, выкананы ў форме мэноры — сямісьвечкавай сьвяцільні і аднаго з самых старажытных сымбаляў юдаізму (скульптар — Канстанцін Касцючэнка).
Новы помнік паставілі на скрыжаваньні вуліц Дзяржынскага і Куйбышава, на пляцоўцы, якая зьяўляецца часткай былой тэрыторыі Берасьцейскага гета.
У цырымоніі адкрыцьця помніка ахвярам Галакосту прынялі ўдзел старшыня Берасьцейскага гарадзкога выканаўчага камітэту Сяргей Лабадзінскі, часовы павераны ў справах Дзяржавы Ізраіль у Рэспубліцы Беларусі Цві Міркін і іншыя. Прысутнічалі прадстаўнікі дыпляматычнага корпусу, габрэйскай грамады і жыхары гораду.
Ідэя стварэння помніка належыць уласьніку групы кампаній «Санта» Аляксандру Машэнскаму, які ўзяў на сябе і асноўнае фінансаваньне праекту, піша «Вечерний Брест». Ініцыятыву Машэнскага падтрымалі іншыя бізнэсоўцы Берасьця.
Форум