Падразьдзяленьні МНС, якія прыбылі на месца, выявілі гарэньне ўнутры фарбавальнай камэры зборна-фарбавальнага цэха. Пры абсьледаванні цэха ратавальнікі знайшлі і вывелі на сьвежае паветра майстра цэха, з выкарыстаньнем маскі.
Пацярпелых няма. Пэрсанал заводу эвакуаваў работнікаў да прыбыцьця ратавальнікаў.
У выніку пажару пашкоджаная сушыльная камэра. Тэхналягічны працэс у цэху прыпынены.
Праца прадпрыемства не парушаная. Прычына інцыдэнту высьвятляецца, паведамляе МНС.
- Гэта ня першы пажар на беларускіх прадпрыемствах і ў грамадзкіх установах Беларусі за апошнія месяцы. Так, 2 жніўня адбыліся пажары на двух прадпрыемствах Беларусі — на Беларускім мэталюргічным заводзе і на вытворчым унітарным прадпрыемстве Беларускага таварыства глухіх «Метыз». Абышлося без пацярпелых.
- 22 жніўня ў Магілёве эвакуавалі больш за 300 чалавек праз узгараньне ў паліклініцы. Абышлося без пацярпелых.
- 11 чэрвеня адбыўся пажар на Наваполацкім ААТ «Нафтан». У выніку інцыдэнту атрымаў апёкі мужчына 1975 году нараджэньня, работнік спэцыялізаванага рамонтна-будаўнічага ўпраўленьня № 3 гораду Наваполацку.
- 5 траўня адбыўся пажар на тэрыторыі Старобінскага торфабрыкетнага завода. Без пацярпелых.
- 14 красавіка ў Смаргоні выратавалі на пажары двух работнікаў аднаго з прадпрыемстваў раённага цэнтру.
Форум